RC EVOLUTION - 遙控工房 - 香港RC遙控車討論區

標題: RC為何會用六角頭螺絲 [打印本頁]

作者: lailcm 時間: 2010-4-15 20:59
標題: RC為何會用六角頭螺絲
六角頭螺絲及批又易撻, 點解D RC還會用呢?
點解唔用十字頭呢?

作者: lung1 時間: 2010-4-15 21:21
食力d...

作者: lailcm 時間: 2010-4-15 21:44
本帖最後由 lailcm 於 2010-4-15 21:48 編輯

但十字應該比六角食力喎!我指2mm六角頭

作者: MrSH 時間: 2010-4-16 01:38
用內6角螺絲係可以扭得大力d. 相信好多師兄都試過用十字頭, 緊左想扭返鬆出黎, 係要成個人"坐"落粒螺絲度,個十字位先食得實.但呢度力係同粒螺絲扭出嘅方向剛好相反,即係話你要用你隻手扭出粒螺絲同時,粒螺絲都要承受你"坐落黎呢度力, 螺絲頂得住, 周圍的材料同樣都要頂, 唔係就滑牙. (因為加工問題,十字螺絲頭裡面係鑊形的, 所以連支批都要做返少少斜角就返, 咁螺絲批接觸到粒螺絲的地方就變得有限, 鎖緊力唔及內6角大. 亦因為咁,扭嘅時候需要用一下力往螺絲軸向先可保持原位繼續扭螺絲, 如果唔係支批會好容易走出黎
內6角要扭鬆, 就只要單一方向的力, 就算扭得緊,都唔需要好似十字螺絲咁, 要成個人"坐"落去咁扭.

如果十字做成6角咁樣成個頭係沉落去.... 1. 加工成本與6角睇齊 2. 螺絲批形狀唔同 (唔算太重要) 3. 螺絲批十字位會比6角頭易斷. (直角位較六角位應力大)

作者: melolwk 時間: 2010-4-16 10:16
回復 3# lailcm

當我起我架古董車那些生銹十字頭，Ｄ十字坑一扭就變形，差Ｄ領哂野，反而同期Ｄ六角頭就算生左銹，扭極都唔變形，而家見過鬼都怕黑，全車換哂六角頭，扭得舒服又慳力。

作者: 1524 時間: 2010-4-16 11:08
試過鬆十字鏍絲...一扭就好似十字包咁爆開哂~