RC EVOLUTION - 遙控工房 - 香港RC遙控車討論區

標題: HBX 18仔平路車新手心得及交流 [打印本頁]

作者: jimwaiman 時間: 2008-12-11 00:33
標題: HBX 18仔平路車新手心得及交流
小弟實是遙控車新手..
早兩個星期係FD推介下買左HBX 的18仔來玩..
期間都試過唔少改裝同SETTING,,
撞過唔少版, 希望可以係度分享返俾其他人..
同時大家都可以一齊係度交流下..

第一:買車..
買車當然要係"萬里"買啦
因為佢係代理..
而且大部份配件都係得佢有得買!
注意一下, 我買的時候係賣緊580蚊..
E家最新就做緊620蚊..
枝遙控唔同左..多少少野可以SET..
但係聽FD講係第一代的控..

第二:電同叉機的注意..
咁我第一日買返去都知要叉電架啦..
不過唔講唔知個叉機真係唔多掂..
原來要叉滿排原裝電係要5個鍾..
另外有樣野要注意..
HBX原裝電係用細槍插..
但係正負相反..
我同我朋友都自行改裝為T插..
總之注意正負就OK
另外如果轉用7.4V LI電要小心..
因為我後期換左V16R電變
7.4V LI電係燒左隻原裝摩打..
原因唔太肯定, 但相信都係舊電問題..

咁買左架車幾日..
我又比較心急..
就開始買補品俾架車啦..
由於始終都係新仔..
出現左好多問題..
係呢度我張我過程分享出來..
至於如何解決就留俾各位高手分享!

第三:配件..
我一開始最覺得就係條胎唔得..
好飄..唔咬地!
咁第一件事就係想搵胎!
當然返左去萬里問啦..
要換軨胎唯一方法係用一個轉接器(萬理有售)
再配HBI出的18仔軨..
想用咬地的海綿胎唯一選擇係HBI..
不過我覺得佢唔夠靚仔所以無換到..
後期發覺其實原裝條胎玩耐左開左胎都OK..
(我平時係學校球場玩)

跟住我個FD換左個大車電變落架18仔到..
真係快左好多..
咁又心思思想換電變啦..
新仔唔識野..萬里又話我想要的電變無貨..
咁周圍行諗住睇邊間有得賣啦!
去到極速到問18仔電變..
佢就指左隻俾我..
180蚊買左..
但係裝落分別唔大..
快少少但哂電好多..
我遲D都想換返大車電變!

後期發覺原裝叉機要成5個鍾叉電真係唔得..
係萬理買左多舊1600MAH的電..
不過由於本身舊電係俾控用..
所以電線較幼..
我FD話想安全D就換D高溫線..
咁我當然照做啦..

跟住再就買多個叉機..
萬里話要叉LI電又叉得原裝果D個叉機要成500蚊..
咁我梗係行多幾間睇啦..
又去極速睇..
佢話280蚊有個, 不過要俾多80蚊買火牛..
咁都要啦..
不過後尾聽FD講個叉機可能係水貨..
呢層我就唔知啦..

好啦..其實搞咁多野,,
基本都玩得好好啦..
點知自己衰..
又心思思話想換金屬件..
唔換都還好, 換左就好煩啦..
先講講有咩件可以換先..
基本上暫時上我知的
係有金屬摩打座..換左感覺定D同散熱快好多!
跟住有萬向狗骨同埋避震都可以換金屬..
其他唔知係無出定無貨啦..
總之我買唔到啦!

但係唔換都算, 換左就好煩.
先唔講換果一PART..
頭先唔記得講..
各位買左架車返去最好搵相熟朋友幫你拆車再裝過..
同埋有樣野最好搞埋, 就係張前面的左右搖臂調轉..
原因我知, 但係唔識講..
簡單D就係可以令佢一枝本來刮住車架的轉向提返高..
令轉向好力D

至於換件我就換左萬向狗骨, 金屬珠差同埋摩打座..
因為枝避震真係好硬同埋比原裝果枝短..
但係枝狗骨都俾原裝短..
要SET過搖臂..
一SET就煩..又咩8字軚又TOE IN咁..
我呢D新手都搞唔掂..
求其了事..搞到架車轉向又唔好..
珠差方面又唔識SET..
一時太緊一時太鬆..
搞到架車行唔到直線..
所以建議新手都係唔好搞呢D野..

仲有摩單返面..
由於我用LI電燒左原裝果個..
所以買左個SPEED 300, 80大元,..
速度快好多..
但係要用工具打粒齒輪入去..
當然用電量都高左..
但整體感覺唔得..

再玩多幾日發覺轉向回唔到中..
以為有野頂住..
拆散裝返都唔掂..
以為原裝野唔夠力啦..
點知係極速換左都仲係唔得..
搞到E家都未搞掂..
SO架車擺底左無玩..
如果有高手可以指點下我都好!

新仔第一次發言.
暫時講住咁多先..
有咩講得唔好請見諒..
有錯請指出..
各位有咩唔明都可以隨便問.
我會就自己經驗解答..
當然都希望各高手出招..
幫下我地呢D新仔..

作者: 任天九 時間: 2008-12-11 01:02
好長

, 回左先慢慢睇

我都只义一小時, 怕义漲.....

[ 本帖最後由任天九於 2008-12-11 10:48 編輯 ]

作者: neoli 時間: 2008-12-11 02:15
我以前架hbx都係回唔到中

換埋接收陀機後ok

作者: MAZDA 時間: 2008-12-11 09:09
5 hours?????唔怪得我次次玩個陣咁快冇电LA.....

作者: jimwaiman 時間: 2008-12-11 11:27
回各位師兄, 因為原裝叉機係0.5A
所以係要叉5個鍾架..
如果叉滿, 原裝車應該可以玩20分鍾左右..

另回中問題小弟諗過換接收可唔可行..
不過覺得影響唔大,
如果有師兄有試過請分享下!=]

作者: kkchung 時間: 2008-12-11 12:56
搖臂其實有一棵機米設定，你只要看情况設定便可。不用左右反對來裝，這車其實沒有分左右臂。

作者: vol.. 時間: 2008-12-11 13:04
標題: 回復 5# 的帖子
師兄!~你好有心得wo!!~
幾時教我渣車呀!!~~\

作者: kkchung 時間: 2008-12-11 13:06
行車時不能回中原因很多。先放開伺服碟，然後用手推動轉向推桿看是否很容易活動。如不是從轉向柸一步步看。懸掛不平行或左右其中一邊驅動有問題也會影響到。令外當動力過大及呔抓著力不好，在起動時也會走向一方。

令外可看看這：
http://bbs.rc-evo.com/viewthread ... page%3D3&page=2

作者: defcone 時間: 2008-12-11 19:17
我買左部 X Charger B6 可以差晒 NIMH, Lithium and Pb 都可以.
Only 280, 火牛90到.

作者: jimwaiman 時間: 2008-12-12 00:13
係呀, 我個叉機就係師兄講果隻..
好用!!不過真係唔知係行定水貨..

作者: jimwaiman 時間: 2008-12-12 00:14

原帖由 vol.. 於 2008-12-11 13:04 發表

 登錄/註冊後可看大圖

師兄!~你好有心得wo!!~
幾時教我渣車呀!!~~\

唔好玩拉, 新手姐..
都要多謝我朋友教我入門玩!

作者: jimwaiman 時間: 2008-12-12 00:16

原帖由 kkchung 於 2008-12-11 13:06 發表

 登錄/註冊後可看大圖

行車時不能回中原因很多。先放開伺服碟，然後用手推動轉向推桿看是否很容易活動。如不是從轉向柸一步步看。懸掛不平行或左右其中一邊驅動有問題也會影響到。令外當動力過大及呔抓著力不好，在起動時也會走向一方。
...

唉, 我架野就算唔放係地都回唔到中..
左邊唔得, 右邊就可以..
試過拆散再裝, 換過SERVO
換過SERVO碟..
SET過推桿果D都仲係唔得..
好煩惱..

歡迎光臨 RC EVOLUTION - 遙控工房 - 香港RC遙控車討論區 (https://www.rc-evo.com/xbbs/)