本帖最後由 skyhawk 於 2016-3-18 12:35 編輯
諗咗半年, 終於入咗虎王, 比心機完成埋目標
今次改造目標有
1. 防磁塗層Zimmerit ( 呢下用我最多時間, 做到手軟, 詳見下面分享)
2. 全部倉蓋可開
3. 所有手把重造
4. 改良舊版MFC的問題,
4.1 因要拆開車身才可調校音量, 十分不便, 所以改外置調校音量
4.2 舊版MFC不同於豹2年代MFC, 不可遙控撻車, 所以加入遙控啟動/關閉引擎, 加埋總開關大掣
4.3 加入地線, 大大改善喇叭受摩打干擾情況(之之聲)
5. 加入與油門同步的噴煙系統
6. 改良非常假的伸縮炮, 加強爆發感覺
7. 因虎王未經歷大戰就收檔, 所以作一般舊化積洗, 彈孔, 防磁塗層甩掉效果
8. 加LED入車頭燈, 可以搖控開關
9. 加入電滑作360度炮搭無限轉, 不再憺心扭爛線
10. 加入引擎室通風口保護網
以下先分享製作過程
呢個係之前都分享過, 因為田原廠係用個摩打帶動伸縮, 速度實在太慢, 以致極假,
我真係頂唔順, 我參考豹2的設計, 自己設計及3D印咗呢個白色零件, 加條彈弓做縮入去的動作
只要更換原廠果件連接炮管零件, 再加條彈弓, 就可以大大改良發炮後, 炮管縮入去的速度,
像真度大大提高
測試:
-----------------------------------------------
PS: 我今日發現有另一種方法去改呢個伸縮炮,有公司出咗專用ESC比星星伸縮炮用,
大約係前段縮入個摩打會轉快D, 伸返出來就慢D, 當然, 份ESC我估都唔少錢,
https://www.youtube.com/watch?v= ... ure=player_embedded
不過我偷下佢概念, 你可買一個CHEAP ESC, 用控的其中一個channel mix返呢個動作, 不過你支控要咁上下勁先做到
所以都係我個改良件易搞D同埋夠晒平
--------------------------------------------
所有倉蓋改到可打開
由其呢兩個要開, 因為我會放個開關掣同埋音量調校掣係呢度
加LED入車頭燈, 可以搖控開關
貼好晒防磁紋貼紙, 試組, 都幾靚, 但防磁紋太假.. 諗諗佢
加入彈孔, 呢度綱板比較薄, 所以可以比重機槍打穿
注意, 唔係齌鑽穿, 物理上, 子彈射穿前會將周圍金屬壓凹, 再貫穿, 所以要模仿埋呢個效果
咁大架車, 又無左右倒後鏡, 撞凹係好正常
車頭有150 mm 鈄面鋼板, 基本上當時一般盟軍/俄軍坦克炮彈無可能貫穿, 參考231果架真車比炮彈打凹情況, 所以做兩下炮擊凹痕
模仿有D位的防磁甩咗要重新鋪上去
噴好後望一望... 下, 星星張防磁貼完全唔惦, D紋又薄又假, 決定全車重造
第一版, 唔惦, 太梳, 唔夠整齊, 無明顯直行排列感覺, 決定全車再重造
參考返 真車又密又整齊, 再做!!
做咗兩日, 兩晚, 手都軟, 但非常值得
今次好滿意, 同真車效果差唔多,
我無用防磁刀做, 因為1:35刀比例唔同, 而且咁做就太過工整,
因為真車係人手一條一條刮出來, 每一條都有D唔同, 要做到呢個效果,
只可人手逐條推刮出來, 整到我手軟
以下我製作給一個朋友的教學, 重點係水同雪條桿,
水可令造型補土無咁痴手, 雪條桿用木造, 可以吸水, 咁就唔會比畢地痴住, 比用鐵/膠好
先壓平畢地, 鋪上膠面, 再均勻地壓平係表面, 不可以太薄
由上至下逐條推出來, 重點要夠密, 整齊, 直行間要有明顯分界線(/紋)
呢度唔係BBQ架車, 我出咗去噴油, 唔想整臭屋企,
郊外工作室
今次用呢隻AV油, 效果好過星星啞油, 食得好實, 帶有少少金屬感的半光澤, 呢個牌子係無毒水性, 有一陣清香味度TIM, 軍事模型愛好者都十分鍾意用
就此我解釋一下, 好多人都以為坦克, 軍車等呢D軍事模型都要用啞油, 其實又唔係咁,
呢D車都係用金屬做, 如果有機會埋身模下架坦克, 又唔係好似汽車果D鏡面, 但又唔係啞到好粗糙咁,
表面D油係平滑又唔反光的金屬感, 有D似街邊果D電箱, 交通燈指揮箱, 用半光澤來形容係最貼切
所以有時齋噴啞係唔多合適
或者可以睇下呢條片, 你會見到213表面係光光地, 唔係全啞
如果齋用星星XF油會太過啞, 要上一層半光澤水性COATING, 預其咁
我不如直接改用AV油, 本身已有好強的金屬面半光感, 落少少COATIJNG保護下就夠, 效果超好
一日搞惦迷彩!!
呢D掛架都係3D print出來
加入電滑, 可360度無限轉 (後尾我改咗去伸縮炮齒輸組個位)
原本D摩打D之之干擾聲入晒去喇叭, 你較大量D, D之之聲又大量D, 好煩...
加一條地線連接金屬底盤, 之之聲減少90%
因舊MFC要走埋開掣先可啟動引擎, 我覺得太無引, 所以改遙控(如豹2咁, 可係REMOTE不斷玩開車熄車, 咁先夠過引)
由於要實現遙控啟動引擎
1. 要外加BEC供電給接收
2. 加個遙控開關MODULE(黃色果個電子零件), 用CH5做開車同熄車動作
3. 由於外加BEC會不停供電給接收, 為方便我一嘢過就可斷晒電, 唔洗下下開車身斷開電池電源, 我外加咗一個開關, 關就完全斷晒電, 以免用乾鋰電(會壞的)
4. 3D印個座出來, 將外置全車開關掣及音量調校掣裝上去, 企理晒
以後就係開咗司機個倉蓋就得
3D打印咗個噴煙module, 自家制發煙系統, 用一個CHEAPCHEAP ESC 去控制風扇速度, 用CH 6 MIX油門同埋,
MIX的內容有四點
1. 實時與油門同步, 即係速度快D, 出煙量就多D
2. 睇返真車, MAYBACH引擎 撻計時, 會噴出大量白煙, 我都MIX咗個Program, 模仿埋呢個細節, 加強實感
3. 熄車同樣, 引擎會有一下高轉, 所以要同步返果下大煙情況
4. 有少少TUNE, 煙會早少少開始噴, 行車前少少, 因引擎先提高轉數再帶動傳動系統, 中間會有少少動力傳輸時差, 要模仿埋呢一點
由於要做噴煙, 星星原廠條死氣喉係實心唔用得, 要成個換一對可供噴煙金屬死氣喉, 套裝跟埋金屬護盾, 順手換埋
參考返以下係真車啟動及熄車噴煙情況, 留意下條友搞完後走幾快, 佢都知會有一下噴大煙, 好危險
星星段錄音都係錄呢架車, 233係現時仲行到的虎王
呢個係我做好後的測試
|