本帖最後由 ricksonchow 於 2015-2-16 18:45 編輯
見到好多車友都出現LEE 個問題, 都想深入少少研究成因, 自已亦都一路玩一路學,純粹分享一下自己既理解, 其師兄可能都已經知道, 亦都好歡迎比意見同指正
其實主要原因都係兩個:
1. 最常見既問題, 就係組裝傳動軸既時候冇為意到要對準Mark 位, 所以輸入同輸出"out of phase", 雖然輸入端係以均速轉動, 但係由於相位既出入, 輸出端既速度變成高低起伏, 令到部車"CHOK CHOK" 下. 換左金屬傳動軸既都會有LEE個問題, 最簡單就係組裝果陣對正機米孔既位置
2. 另一個原因可能未必咁多車友遇過, 原裝車基本上問題好少, 但對改動拉桿既車友們可能會有所接觸, 我自已都係近排先為意到會引致部車chok chok 下. 傳動軸既輸入角度要等如輸出既角度, 如果唔係輸出都係會速度不一致. 由於當輸入軸的一端有角度轉向, 萬向軸會由圓形旋轉改為橢圓形, 中軸自然會以一個SIN WAVE 形既速率, 高低起伏咁轉, 但當輸出軸既轉向角度同輸入一樣, 佢可以將LEE 一個效應抵消返, 均速轉動. 所以調較上下拉桿既長度去調整輸出軸既角度可以達到車轆均速轉動, 部車行起黎D 摩打聲就會好平順, 唔會一下一下咁叫, 下次出去放車試下留意其他車同自已部車D 聲有咩分別
*** 注意係正常負載之下輸入同輸出平行, 如果係反轉部車空載果陣平行, 一放落地負載就會變左中間果幅圖咁 ***
LEE 一兩點響條youtube 短片度解釋得好清楚, 咁大家以後就唔使CHOK 下CHOK 下LA~
https://www.youtube.com/watch?v=gmV4qwLfOMY
PS: 慢爬區其實有好多師兄都有精華post, 版主可唔可以幫手置下頂? 因為見好多FAQ, 可以方便新加入既車友行少好多冤枉路
|