港島區新手報到

今天終於試飛了!

拎左隻機出去, 左試右試, 終於開動到.. 雖然出到去先發覺個cam冇電.. = =

唔緊要啦, 照飛.. 四隻螺旋槳轉轉轉, 開始爬升, 正當開心之際, 點知隻機就好似氫氣球咁, 一直升一直升, 升左六七層機, 完全out of control, 嚇到我標屎! (我唔知係咪我在它剛啟動時胡亂向上推杆, 比油比得太勁, 佢會暗地裡"紀錄在案", 但見住佢升空之時我已全然放手, 沒有絲毫推杆動作了)

慌忙之下唔知點算, 熄左遙控, 諗住佢會"自動返航", 慢慢自動落番地面, 點知唔係, 拿拿林開番遙控, 好在此刻終於接收到遙控訊號, 隨即便慢慢向下推杆, 謝天謝地, 最後算是安全著陸...

打後又飛左幾次, 有兩次唔知點解飛唔起, 比油時架機會向前傾向前仆, 跟住撞落地面, 搞到前面兩隻機葉磨爛晒崩晒.. 有次仲離譜, 直頭仲翻身打左兩個筋斗, 睇住前面兩口螺旋槳係咁啪啪聲打地, 嚇到我即時推下杆turn off...

以上全屬自己撞板經驗, 願其他新手不會如此...

事後檢視傷亡：

1. 前面兩塊腳底的黑色長方體, 磨到滑左爛左..

2. 前面兩塊螺旋槳崩左

3. 機身因在地上前仆和打筋斗而花左


最後有兩個問題, 望能解答..

1. 點解起飛時部機會向前仆, 點解決?

2. 見住部機失去平衡時, D螺旋槳係咁向住地面刮打, 我想即時熄左個engine以免進一步損傷, 但我只懂向下推杆熄機, 請問有冇其他方法?

oscar0203 發表於 2014-6-2 03:02
今天終於試飛了!

拎左隻機出去, 左試右試, 終於開動到.. 雖然出到去先發覺個cam冇電.. = =

師兄玩航模係咪一玩就係玩phantom ?

一般直升機起飛果下係有d技考，其實四軸已經比電直技考易一點了，

起飛果下唔可以太慢，要爽一點離地先，

而且要注意離地一刻機身水平變化立即修正，有時如大風或加了雲台機身前後重量不同，

起得大慢，機腳接觸地面的一角會拖斜機身造成炒機


另外，如果機䊢損壞太嚴重，師兄考慮換新䊢吧，

這會嚴重影響飛行的穩定性，為一百幾十炒幾千機事少，傷到人就損少更大...

Gainax 發表於 2014-6-3 09:32
師兄玩航模係咪一玩就係玩phantom ?

一般直升機起飛果下係有d技考，其實四軸已經比電直技考易一點了，

謝謝提點。除左phantom，小弟有部wltoys v319，我唔識分算唔算所謂的「電直」，但肯定只是玩具級數吧。
是的，回想起來，應該是我起飛太慢，但我比緊油並見住佢「前傾」時，係咪應該同時輸入"後退"的指令？（即右杆的六點鐘方向）

我試過一次，感覺好似好D，只係唔太肯定...

oscar0203 發表於 2014-6-3 12:48
謝謝提點。除左phantom，小弟有部wltoys v319，我唔識分算唔算所謂的「電直」，但肯定只是玩具級數吧。
...

是的，無論是起機了或是貼著地，機身傾斜都應立即反方向推桿修正，
這是基本操作沒有分玩具不玩具吧，只是單䊢直升機的修正動作和次數要比四軸多很多..

明白，嗯，我還在摸索中。
想請問點樣可以知道隻機仲有幾多電? 係咪如果隻機就嚟冇電，佢會硬性自動返航？

唔知隻機仲有幾多電，飛得遠很沒安全感吧...

都唔明 dji 點解淨係在 phantom 上安置一盞指示燈，加多兩盞或其他顏色的以示狀態，咪幾好...

僅僅一盞指示燈用紅黃綠三色交雜以表達十幾種狀態，睇到人頭都暈，又難記...

oscar0203 發表於 2014-6-3 21:40
明白，嗯，我還在摸索中。
想請問點樣可以知道隻機仲有幾多電? 係咪如果隻機就嚟冇電，佢會硬性自動返航？
...

無電呢個問題， 我諗係FC40最大既缺點，無OSD mini真係好唔方便，初初睇說明書所謂二級警報

我以為個搖控係會有聲音之類提示，問過原來係無

到了一定低電壓，一級警報係會長閃紅燈，第二級警報就會強制下降，係唔會夠電返航的，

幾個問題，起飛遠根本係已經睇唔到燈號，打開DJI software ，睇到初設定低電壓警報印象中大約為: 一級 10.6, 二級10.5

第一次實際試飛第一警報至第二警報感覺大約只有一分鐘，即如果當時飛了出海又沒注意到燈號，那機好大機會會落海返唔到來....

問過有關人仕意見係要自己起飛時Count時間，但我覺得鋰電電壓下降的情況每次都不同，實際飛行時間不會一樣


總結解決方法有二，一係在軟件裡更改低電壓警報的設定

一係自己計時大約飛6分鐘後自行回航到安全地方保命　


呢個因素令到FC40不太有信心飛到很遠

我有改雙電架但暫時都只試過單電起落，

因回家看片後發覺電池的大小會影響到拍片時的震動，還在解決中

Gainax 發表於 2014-6-4 08:55
無電呢個問題， 我諗係FC40最大既缺點，無OSD mini真係好唔方便，初初睇說明書所謂二級警報

我以為個搖控 ...

如果係咁，咁都幾大獲喎，冇理由expect人玩航拍飛出幾百米外仲可以睇到佢盞紅燈吧。

請問其實fc40既飛行範圍可以去到幾遠?

冇錯，count 時間都唔係一個穩全既辦法，只係多個保險，鋰電池會消耗磨損，多飛以後，續航時間理應減弱，應該不會和之前既飛行時間一樣

如果係咁，唯有較到佢一二級之間起碼有三分鐘走盞，一分鐘實在太少了，感覺好唔穩陣，飛行變數咁多，一分鐘真係未必夠返航 （即便係咁，我都唔夠膽飛海，畢竟地面上點炒點炸都起碼見得番條屍，有番D渣拿，飛海佢傻起上嚟強制降落就真係渣都冇）

因回家看片後發覺電池的大小會影響到拍片時的震動，還在解決中.    依句唔明，玩雙電會有問題？


其實買機前續航時間都係我一大考慮，P1得15分鐘，P2有25分鐘(單電，原裝不用改），P1要改雙電先能夠追上二代的續航能力，但如果覺得15mins都夠玩，自然用單電就好，不用改，但既然師兄都明白問題所在，已為機改雙電，何以又棄之而玩單電呢? 雙電有甚麼潛在問題嗎? 願聞其詳..

oscar0203 發表於 2014-6-5 00:54
如果係咁，咁都幾大獲喎，冇理由expect人玩航拍飛出幾百米外仲可以睇到佢盞紅燈吧。

請問其實fc40既飛行 ...

單電起落換電計加起的飛行時間其實係會長過用雙電飛，因雙電會令重量大增，實際只會增加30%多的飛行時間

每加重幾十克重量，就已經明顯感覺到飛行時間減少，我現在加了雲台，2200mah原裝電只飛到6至7分鐘而矣

我的雲台已經算輕身的一種，或者考慮裝P2的9吋䊢，共用的，P2的䊢升力較大，有說能增加飛行時間.


另外店家方面分享的經驗，雙電因為重量同重心的改變，機的反應會變遲鈍同有飄移問題，不能短距離煞停

而且操作的動作要再克制點，以免機身飛行攻角太大反機失控

我自己還有一舊2700 mah的備用電，但裝上後緊緊的電箱位完全沒空間的，頂住了上層的飛控底板

看片後發現，用2700後機身的震動較大而傳到下面雲台影響到拍片的質素

Gainax 發表於 2014-6-5 10:13
單電起落換電計加起的飛行時間其實係會長過用雙電飛，因雙電會令重量大增，實際只會增加30%多的飛行時間
...

係喎，買機時沒想過加多一排電池帶來的重量...

我兩舊都係2200.. 2700係你額外買的？幾錢？咁如果裝兩舊2700咪仲飛得耐？

我也聽說過P2的槳較好，而且更換也不貴，下次一於買來試試

但師兄何以買雲台? 升級換GoPro? fc40不是無須另購雲台嗎？

看見GoPro的清麗畫質，再對比fc40的鏡頭，實在有感不足

但GoPro又真係好貴，如果買又要買埋雲台，似乎冇4K都唔洗諗  >_<

fkk1991 發表於 2014-6-1 00:43
HELLO各位師兄, 我都加入左FC40無耐, 一齊研究下玩下!
我住沙田, 有冇同路？

Ching,我都係新手,又喺沙田區喎，得閒約出嚟大研究吓

慈雲山友揮手
啱啱新手入左phantom 2+fpv
有機會一齊交流下

hgcjeffrey 發表於 2014-6-21 02:41
慈雲山友揮手
啱啱新手入左phantom 2+fpv
有機會一齊交流下

慈雲山友？我鑽石山友，你去邊頭飛？

oscar0203 發表於 2014-6-21 18:13
慈雲山友？我鑽石山友，你去邊頭飛？

買左冇幾耐, 將軍澳飛過幾次, 因為未有FPV, 唔敢飛大遠

我同朋友買咗架f450風火輪來玩,我都係新手來的,不過試好多次甩線都冇事,可以自動回來,其實真係不用買太貴,連機連5200電新機都係二千二多少少,炒機我都唔痛,零件上淘寶買一d都唔貴,玩耐之後有經驗再升級都唔遲

Gainax 發表於 2014-5-20 13:59
你試下飛先lor，我已set 好了，開頭好多問題，慢慢一個一個自己解決
現在加了中繼加了雲台，但相機仍然用 ...

c hing, 點加中繼，請賜教

加中繼
http://bbs.wanwushangzhi.cn/thread-43362-1-1.html
師兄，比條link你參考下各地師兄的傑作，我都是新手，只有多D上網爬文學下野。好彩DJI都好受歡迎好多人玩，所以可以參考的姿料都好多

http://www.mobile01.com/topicdetail.php?f=368&t=3627857&p=1