購物車問題 - 請正視

在商言商，Ｄ客hold住Ｄ貨又唔知要唔要，等同超市之購物車購物籃之貨物，通常收工前都放回貨架，其他客有公平機會選購。

佢地講緊廢話，我琴日剛去買嘢，簡單講呢間嘢買就落單上去俾錢，暫未定總共要買甚麼，已放車仔的用手機影低，下次再找也易Ｄ。

原本我都唔想多講，但紅色師兄無講假話，Dinballian師兄請翻查紀錄，我前日落單買xisport主板及二樓板，全個程序完成亦給予我購物單編號，原想打電話通知1小時後到取，但見你地收5點我可能白行所以啉住琴日朝才打電話約取貨，點知琴日朝成張單唔見咗，心裏媽媽聲又要重頭落單，落完那那聲立即打電話通知1小時後到取，唉！時間好緊張，遲些又怕張單消失。

心底話我對rcmart是又愛又恨，愛它是貨多1達地方便可買齊，唔駛東奔西跑，恨它是做生意太執著太制度化，我買了7部kit車,其中1部sakura d3 其中1隻啤令不順(車砌到一半)，我攞上去要求換1粒啤令(不是要求換kit)，某人話要寄番粒啤令去厰檢查如確定為質量問題會通知更換，但需時幾星期，挑！1粒啤令幾蚊，買了成萬蚊嘢唔通會搭車來回呃粒啤令，還有其它..................自此我很少上去買嘢 ( 並非rcmart問題，我愛它，但我年紀大心胸窄想留一點尊嚴 )，東奔西跑麻煩一些但心裏舒服。