RC-遙控車RC-EVOLUTION遙控工房模型論壇

 找回密碼
 新玩家註冊
搜索
查看: 2544|回復: 16
收起左側

山豬組裝小記

[複製鏈接]
 樓主| nde63h 發表於 2018-1-15 11:48:00 | 顯示全部樓層 |閱讀模式

遊客登錄

您需要 登錄 才可以下載或查看,沒有帳號?新玩家註冊

x
剛完成。趁仲有記憶寫的野。

大致唔難,但多野砌,個別某幾個步驟好考功夫,例如將車軸固定在葉片上,無論位置或角度都要自己量度,我無好準確的方法,只能目測,裝完擺係枱面睇佢平唔平行。而且條軸好易轉動,我加左雙面膠紙係裡面固定。另外係說明書建議前軸要有5度,我無理佢,我覺得平行最好,原因有二:

1, 條軸平行的話,前轆會有5度caster,佢本身係造成咁的。如果你跟說明書砌,前轆就無caster

2, 軸平行,兩組萬向的角度相同,可抵銷振動,唔好忘記萬向並不是constant velocity joint


                               
登錄/註冊後可看大圖


另外我唔裝radius arm。因覺得核突而無用。

波箱好多人話複雜,我反而覺得無乜野,都係照圖做,無咩難度。

轉波方面,人手推拉果條shift rod試過無問題,但一落servo,就唔太暢順,有幾次仲聽到可怖的卡卡聲,懷疑係servo的行程唔太配合,但又無得校,因為是啪啪掣來,無得微調,暫時用膠件set死佢行1波,遲的再研究。

波箱加左slipper clutch組件,剛才的卡卡聲希望無傷到的齒輪。


                               
登錄/註冊後可看大圖


電子野好多蝦碌,除左買左套唔適合的遙控,另外係鋰電,裝唔落佢果個電池位,我唯有監粗剪爛左右兩邊。

另外係隻電變(traxxas xl5)無獨立一條線的開關掣。原裝設計俾你將個開關掣裝係盒頂的做法唔work。另外係佢個traxxas插頭太大伸不出來,電池都係traxxas的,我費事換插頭了,電池果個插頭佢連埋平衡線的,橫掂無開關掣,我索性廢左個盒頂。


                               
登錄/註冊後可看大圖


大致上測試過,無咩問題,轉向方面好多師兄話有虛位,我拎佢來行街/放狗式玩法,暫未見有咩問題,我用3003 only。

避震好似太硬。行街經過的舖左磚既地面,見佢跳下跳下咁,唔夠柔,可能裝少一塊葉片會好的,不過而家費事拆了,諗起條軸vs葉片到時要重新對位,好痛苦。(各位師兄有無咩聰明少少的方法?我砌果度砌到好頭痕)

我買果隻係bruiser但我唔太喜愛佢後面果個sleeper cab。我係ebay訂左mountain rider果組燈架。未送到來。


                               
登錄/註冊後可看大圖
sean2013 發表於 2018-1-15 15:33:29 | 顯示全部樓層
個波箱點轉波?
我見好多唔知落乜野膠封波箱夾口
 樓主| nde63h 發表於 2018-1-15 16:03:19 | 顯示全部樓層
sean2013 發表於 2018-1-15 15:33
個波箱點轉波?
我見好多唔知落乜野膠封波箱夾口

轉波都係靠兩支叉,推來推去,選擇個別一隻齒輪,帶動條軸。198x年果隻山豬波箱才要塗膠。呢個re-re版唔洗的。波箱其實唔難砌。你照圖做就可以。

另外仲有少少改動,果三條殼柱,擺個殼上去,太鬆,會搖來搖去,行經一的凹凸的路面,個殼會跟住跳,發出聲音。我每條殼柱套個o-ring落去,fit晒。

燈架送到了。


                               
登錄/註冊後可看大圖
 樓主| nde63h 發表於 2018-1-16 00:50:24 | 顯示全部樓層
如果講轉向虛位,我覺得bump steer問題更根本。基於轉向結構,前擔處於不同高度(不同的避震行程)時,轉向狀況都會不同。

2018-01-16.jpg

如圖所示,如果前擔升起,即使你唔扭軚,部車都會輕微偏右。

所以我都唔係太知應該點樣set轉向neutral。

就假設靜止時你校到所有角度都四四正正,然後,部車一行走起來,重心後移,車頭升起,前擔與骨架距離拉遠(此時葉片並不受壓,而是拉開),部車自動偏左。

掉返轉如果你set到佢行走時呈現直線,到你收車,靜止時,你會見到頭轆偏右。

再者所謂行走,唔同速度又有唔同狀況。行得越快,重心越後移,轉向偏差越明顯。

相比起轉向有虛位,呢個問題更根本。

要解決的話,簡單方法可以是將轉向servo固定在前擔上。跟前擔郁。但咁就會唔像真。這是使用者的取捨。
 樓主| nde63h 發表於 2018-1-17 02:22:31 | 顯示全部樓層
轉波搞掂了

https://youtu.be/L2zuTcmApcU

channel 3無得係支控度微調咁唯有拆開radio box,取個servo saver出來,移一移位,就到岩為止。
 樓主| nde63h 發表於 2018-1-18 00:44:47 | 顯示全部樓層
暫時試run左幾次,都是行街。類似的師兄玩拖頭/巴士的玩法。不過山豬有一個優勢就是轆大、車底夠離地。有時馬路與行人路之間的壆位都高高地。山豬可以輕易轆上去。如果拖頭,就算上到,都可能刮底,整花部車。

另外係避人啦,人多時行街都幾麻煩。深夜去放車會比較暢順。

搞掂轉波之後,上斜用一波,平路或落斜用二波,又真是幾有駕駛樂趣。其實二波極速都唔算快。好適合。

7600mah電搭白豬試過run到超過四小時。...==。遠遠超出我預期。

附上昨晚的放狗圖。


                               
登錄/註冊後可看大圖



                               
登錄/註冊後可看大圖



                               
登錄/註冊後可看大圖
celicat 發表於 2018-1-31 15:14:11 來自手機 | 顯示全部樓層
山豬係硬軸即係非獨立懸掛避震,先天行過凹凸位會影響轉向,冇得救。但硬軸避震好處係夠tough。
 樓主| nde63h 發表於 2018-1-31 17:01:38 | 顯示全部樓層
celicat 發表於 2018-1-31 15:14
山豬係硬軸即係非獨立懸掛避震,先天行過凹凸位會影響轉向,冇得救。但硬軸避震好處係夠tough。 ...

山豬定位都係像真,不過如果葉片軟返少許,行走起來可能會更好睇。另外近期換左套發射+接收(traxxas tqi),第三頻仍然是啪啪掣,而且比起之前futaba果支控更好手感。話說我只會行一波及二波。因為三波太快了。附上一些組裝時的回憶圖片及行街片段。


                               
登錄/註冊後可看大圖



                               
登錄/註冊後可看大圖



                               
登錄/註冊後可看大圖



                               
登錄/註冊後可看大圖



                               
登錄/註冊後可看大圖



                               
登錄/註冊後可看大圖



                               
登錄/註冊後可看大圖



                               
登錄/註冊後可看大圖



                               
登錄/註冊後可看大圖



                               
登錄/註冊後可看大圖



                               
登錄/註冊後可看大圖
yfhyu 發表於 2018-1-31 17:49:48 來自手機 | 顯示全部樓層
我都玩緊山豬
20171229_000443.jpg
 樓主| nde63h 發表於 2018-1-31 18:01:52 | 顯示全部樓層

搵次揀條路線一齊行。你去邊玩多?
 樓主| nde63h 發表於 2018-2-2 13:13:53 | 顯示全部樓層
講開又講,遙控器方面,始終鎗型比較就手,長時間操控如果用棍仔都是很累。而三頻鎗型,第三頻通常是啪啪掣。之前用這個


                               
登錄/註冊後可看大圖


後來發覺壞壞地,轉用這個


                               
登錄/註冊後可看大圖


這個有第四頻,第四頻啪啪掣有三個位置,但我都係決定唔用,因為一向覺得山豬行一波、二波已經好夠。三波太快了。
 樓主| nde63h 發表於 2018-2-9 12:01:43 | 顯示全部樓層
尋晚行左10公里,由黃大仙行去油麻地(!)。經過果欄旁邊果個場,去到已經閂左門了。望過下。都是適宜玩touring/12仔。

再次再次推介traxxas果隻電,真是好襟,行左3小時(map果個時間記錄可能唔準,我記得我係未夠8點開始行,行到油麻地百老匯戲院,係m記坐低,果陣11點幾),仍然有電。之後太累了,回程搭車,落車後拎部山豬出來,係屋企附近平台再兜左幾圈(主要係再研究轉向中位問題),之後揸到返屋企門口,仍然有電。

到底佢既極限係可以行幾耐/行幾遠?....==


                               
登錄/註冊後可看大圖



                               
登錄/註冊後可看大圖



                               
登錄/註冊後可看大圖
yfhyu 發表於 2018-2-18 18:03:06 | 顯示全部樓層
nde63h 發表於 2018-1-31 18:01
搵次揀條路線一齊行。你去邊玩多?

住荃灣!多數我都係附近玩下哦!
 樓主| nde63h 發表於 2018-2-18 19:20:37 | 顯示全部樓層
yfhyu 發表於 2018-2-18 18:03
住荃灣!多數我都係附近玩下哦!

荃灣可以行海濱長廊丫

早兩日帶左佢行沙灘..


                               
登錄/註冊後可看大圖
samsonl 發表於 2018-3-22 15:08:01 來自手機 | 顯示全部樓層
小弟都有玩這款車
Screenshot_20180317-174028.jpg
 樓主| nde63h 發表於 2018-3-22 23:47:51 | 顯示全部樓層
samsonl 發表於 2018-3-22 15:08
小弟都有玩這款車

正丫..。有無買這個座?


                               
登錄/註冊後可看大圖


平時擺放時可以俾的葉片及輪呔休息下,唔洗長期同一個位受壓


                               
登錄/註冊後可看大圖


補多張上次去沙灘的相


                               
登錄/註冊後可看大圖


近期都係喜歡行九龍灣與觀塘一帶


                               
登錄/註冊後可看大圖


志明橋好多人來這裡打卡


                               
登錄/註冊後可看大圖


啟德郵輪碼頭


                               
登錄/註冊後可看大圖


近期join左的慢爬/越野車會


                               
登錄/註冊後可看大圖


拎隻野去行山


                               
登錄/註冊後可看大圖


行完,的呔有自然的泥沙痕跡,我覺得幾滄桑


                               
登錄/註冊後可看大圖


師兄去邊度玩多?
sean2013 發表於 2018-3-23 17:37:26 | 顯示全部樓層
唔上色......唉
您需要登錄後才可以回帖 登錄 | 新玩家註冊

本版積分規則

手機版|小黑屋|RC EVOLUTION - 遙控工房

GMT+8, 2018-7-22 16:57 , Processed in 0.114670 second(s), 18 queries , Gzip On.

Powered by Discuz! X3.2

© 2001-2013 Comsenz Inc.

快速回復 返回頂部 返回列表