FPV 問題

我新玩唔夠3個月，砌咗兩㗎(250同210)，仲有超過10架未砌，又訂咗TBS Vendetta。

個人意見，首先揀機架係睇你點飛同喺邊度飛。我喺老鬼會同喺停車場飛，發現喺老鬼會天大地大，隻250明顯遇風穩定過隻210，但隻210就靈活性好啲。喺停車場飛就210好過250，但都稍嫌大，所以買咗180 同150諗住砌起捐窿靈活啲。跟住電子嘢唔好慳，又其係套鏡頭同視頻發射，你睇唔到又點飛？我都係經朋友介紹用HS1177 CCD鏡頭搭Immersion視頻發射砌210，最初唔覺有乜特別，但之後買隻250套裝機有試過朋友其他機先知佢有幾好，起碼有光暗大差別時HS1177唔會白太耐，同個視頻發射冇咁容易花，所以以後砌機件HS1177都係梗膽，但視頻發射就買咗多幾款遅啲試。

基本上摩打電變唔慳得嘅原因係試過其它可能唔夠力或反應唔夠快，隻機遊雲唔精神，我隻250套裝飛咗幾轉後換梗膽摩打電變落去直頭兩隻機嚟。摩打電變梗膽Favorite Little Bee 30A加EMax 2205，但啱啱入咗DYS 最新嗰隻XMS30A，遅啲又想試下Rcinpower。

飛控我試過唔同款嘅Naze32，SPR F3同CC3D，F3係必然選擇，因為就算自己手指試唔出F3隻cpu係咪好似傳説咁話快3倍，但事實係佢多port駁嘢方便好多，唯一唔鍾意就係佢個blackbox得8mb太小，香港又未有F3 evo賣。電我用Hyperion LiHV 1300，係貴啲，但冇腳軟，試過人地啲雜電，唔使諗。所以，因電子嘢關係，唔建議買套裝機（除咗TBS Vendetta或Vortex 250 Pro例外，呢兩隻我試過啲朋友嘅，料靚好飛，唔使自己砌咁煩，但就冇得改嘢玩下），自己揀啱嗰樣砌落去，係貴啲，但質素有保證。

最後就係mon定眼鏡。我用肥鯊HD，隻嘢夠清又有齊錄影，係我嗰陣冇雙天綫接收買咗單天綫用唔夠一陣又要換使多咗。睇過人地用平啲嘅肥鯊跟住後悔，Skyzone就未見過人用。最近轉埋佢套雙天綫接收，明顯雙天綫接收清啲。mon我唔識，但遅啲都會試下，一定唔會買細過10吋嘅，怕睇細mon老眼昏花。

技術我都係請教法師傅同上網扒文問外國高手，佢地都好肯教

各位師兄，見笑。其實我唔使恨，我係冇乜時間玩同搞，所以諗住使錢慳時間買方便，好彩呢範比其它遙控模型算平，但買埋成堆嘢應該全部都會用嘅機會係零，唔同各位師兄可以有試下呢樣試下嗰樣嘅樂趣，我都要向各位請教set 機買嘢