小弟係新人入坑,架D4玩左一個月左右(其實只玩了十次左右....)
控制開始習慣了,油門都扣大力左,但發現無論點控制都好,就硬係做唔出其他師兄既動作
可能因為各位師兄開得快,架車可以一直維持無抓地力狀態,用我架車時評價係設定無問題,但我就硬係做唔到其他師兄既動作
過大灣時個pat pat一係唔飛出去,一係就飛到打白鴿轉
最後上次玩時終於忍唔住試下改setting!!
然後發現原來只係避震軟硬已經對過灣有影響
因為頭避震架爆掉,用緊其他師兄幫整既緊急避震架,所以無得試
但後輪扭緊條避震一試就發現,就算低速行,個pat pat都會甩出去
得出結論就係尾避震越硬,個pat pat越易甩,太硬時就算低速扭少少呔都會打白鴿轉,而越軟就越咬地,姐係越難甩
我知網上有好多教學都有教避震軟硬分別,但用語基本係話反應快慢,基本上睇完都唔明講緊乜
果然仲係實淺比較重要啊......
另外試左前輪上窄下闊既setting,感覺就係變得好難控制....
扭少少呔架車就打白鴿轉,但我見好多人都咁整,係米就係想佢易甩d?
原本仲想試埋前輪前闊後窄既設定,但無工具整唔到,下次先再試下
請問仲有咩setting會對架車行走有影響?
我依家最想換既係轉向組野,虛位大到好緊要,中間支拉桿又太軟,,希望快D出啦
|
收藏
勁正
嬲嬲