RC EVOLUTION - 遙控工房 - 香港RC遙控車討論區

標題: 有時真係好理解點解啲KWS鋪頭要黑人面...... [打印本頁]

作者: AMAT 時間: 2018-5-17 13:01
標題: 有時真係好理解點解啲KWS鋪頭要黑人面......
開間鋪燈油火蠟唔少錢，唔計人工，入貨一架一兩千蚊O既車，先賺你果一百幾十.......
仲要行埋嚟就話你貴，叫你平O的......唔平仲要俾你上網唱佢話佢係黑店云云。

如果要我壓咁多錢嚟為等各位貴客唔知何年何日嚟買一架車，再賺你果十元八塊，咁真唔好鬼做好喇。我攞啲錢嚟炒股仲開心，亦都係點解啲人炒樓炒股都唔願意開鋪原因。
所以點解好多鋪頭大車都唔攞。
一架大TRAXXAS，霸咗幾多架田宮車仔位，又要賣得貴喎，成千幾銀喎，最後只係賺到你百零蚊喎。
比我都唔返貨啦! 不如攞啲錢嚟入啲三輪車，賣得快賺得快。

所以點解KWS啲鋪執得就執，唔係就搬樓上，賣網上，都係多得一O的成日話人貴呀，以為人地賺好多O既朋友幫手造成。

作者: AMAT 時間: 2018-5-17 13:16
有時真係唔好話點解香港冇乜工藝O野，點解會冇乜乜物物。

原因好簡單，根本就冇人尊重過開發。

舉例本來呢到有個叫OB1 O既開發組，好用心地出咗套車燈.......
結果係俾人話佢貴，跟住有間公司抄咗佢改小小，賣得仲平。
啲人就話人地賣咁平，你賣咁貴，暴利!

人地大公司有錢做幾千套嚟賣，有錢壓。小公司小生意，要佢一開模做幾千套係攞佢條命，佢只可以幾百套幾百套咁賣完再做，自然做唔到咁平。仲有，間大公司係騎住係人地個開發咗O既設計上改，淨係成本都慳一截。可憐係小公司小生意辛辛苦苦開發就俾人抄咗。

你一句打埋去人地到話:賣得貴。

咁人地咪話:咁我咪唔做囉。

花O既心機時間，冇人尊重，仲要攞咁多錢出嚟做，做完俾你話貴，俾你話人地賣平你幾多幾多我不如買呀邊個邊個。
真係攞O的錢嚟做第二O的O野，都樂得唔駛咁慘~

但最慘係，如果話買第二個國家O的O野呢，又冇人話佢好貴喎，覺得好抵喎，物有所值喎。

所以呢，俾我揀一係就唔做，做都唔做香港生意，因為香港人自己都唔尊重自己啲品牌。

純粹發口痕講吓。

作者: RGear 時間: 2018-5-17 13:24

AMAT 發表於 2018-5-17 13:16
有時真係唔好話點解香港冇乜工藝O野，點解會冇乜乜物物。

原因好簡單，根本就冇人尊重過開發。

有同感

作者: AMAT 時間: 2018-5-17 13:59

RGear 發表於 2018-5-17 13:24
有同感

啲人成日覺得以為一架車可以好多錢賺......

我當你一架車零件成本價1000，一間公司O既利潤，點都要有30%(包括人工，水電，倉存)。
批發價要賣到1500，先有200賺下。

跟住批落鋪頭，人地又要有30%，即係至少要賣2000，先有五十蚊賺，咁即係要賣至少2200先掂。
如果我批落去鋪，我同個鋪頭講，你賺少O的，賣2200啦，仲得十四日數期，我保証鋪頭話你痴線叫你攞返件貨走。
壓成千蚊先得果百零蚊賺......仲未計O的客話要平O的，仲有隔離唔知呀邊個發神經話要冧價......
所以賣街點都要賣到至少二千六，先叫做正常小小，又可以有減價空間。

國內好多O野，之所以賣得平，係因為佢地鋪租平，人工平。
國內賣呢O的，四五千蚊人工一個人。香港賣呢O的，人工都萬幾兩萬銀。你話貴咩，人地走去做珍珠奶茶都萬三四蚊，點解要做你先?
就算老闆唔賺呀，都要俾人工。
然後就係鋪租，KWS啲鋪租貴到飛起，係咁加，真係你唔食都要俾人工。
你話點可以同國內比?!

辛辛苦苦開間鋪，俾錢裝修搞呢搞路，原來只係可以搵到人工交到租，冇得賺O既，唔減價都要俾人鬧黑店O既，咁做嚟把鬼呀?

作者: AMAT 時間: 2018-5-17 14:14
工房由2000年始，今年第十八年。
如果工房係小朋友，都成年喇。

講真，睇住由最好景果時，到宜家執到七七八八，大鋪搬細鋪，細鋪搬上樓......

仲有好多品牌一步步咁消失......

好多O野其實都好可惜。

如果大家仍然抱住要平O的平O的O既心態去玩，得，只會消失得越嚟越多。

唔係人人都可以咬住金鎖匙出世嚟去做遙控車生意O架。

作者: yin36 時間: 2018-5-17 15:09
吾好咁勞氣啦樓主

, 吾係個個小朋友都識計做生意條數架, 講真有返四五十歲個班而繼續玩緊RC嘅都吾會計個一百幾十, 只要價錢合理(當然都吾好當佢傻仔啦), 佢哋都吾太介意, 只怕無新嘢玩. 玩得RC又為個一百幾十講價嘅都係一班比效年青嘅朋友仔, 咁又吾怪得佢哋嘅, 一般人嘅消費角度都係越平越好( 最好吾使錢), 所以佢哋吾會理你條數怎樣計出黎. 重之! 明白嘅就吾使解釋都明,吾明嘅寫方程式解釋都未必明. 請樓主保重身體,勞氣傷身架

作者: wan1997 時間: 2018-5-17 15:19
現在租貴成本貴，賣一部車又賺得些微利潤，有時還要蝕出去才去到，意興闌珊之下便撤退

作者: hing830 時間: 2018-5-17 15:26

AMAT 發表於 2018-5-17 14:14
工房由2000年始，今年第十八年。
如果工房係小朋友，都成年喇。

同感，以前真的有很多師兄上載Rc

作者: AMAT 時間: 2018-5-17 16:05

yin36 發表於 2018-5-17 15:09
吾好咁勞氣啦樓主, 吾係個個小朋友都識計做生意條數架, 講真有返四五十歲個班而繼續玩緊RC嘅都吾會計個一 ...

其實唔係勞氣~係覺得啲人講出嚟真係唔識計數，純粹以自己著想。

所以點解啲山寨O野會咁成巷成市，就係淨係諗要平，冇諗過成平背後O既問題。
最搞笑係叫佢地買部IPHONE X果類時，佢地又唔會話貴，會覺得好抵呀好抵呀~

作者: AMAT 時間: 2018-5-17 16:07

wan1997 發表於 2018-5-17 15:19
現在租貴成本貴，賣一部車又賺得些微利潤，有時還要蝕出去才去到，意興闌珊之下便撤退 ...

之前O既TOP RACING......都曾經風光過，宜家都冇咗影。

仲有SPEED PASSION，有幾風光，宜家只係大家賣緊貨尾......都冇新開發......

作者: AMAT 時間: 2018-5-17 16:08

hing830 發表於 2018-5-17 15:26
同感，以前真的有很多師兄上載Rc

以前比較少FACEBOOK, TWITTER同INSTAGRAM一類，要想發表自己諗法比較難。

宜家人人都幾個帳號，自然就會少咗係討論區發言，一O的都唔難理解。

由團體化變成個人中心化。

作者: tc3driver 時間: 2018-5-17 16:54
本帖最後由 tc3driver 於 2018-5-17 17:11 編輯

題外話: speed passion摺左？見佢仲有網頁行緊

作者: AMAT 時間: 2018-5-17 17:18

tc3driver 發表於 2018-5-17 16:54
題外話: speed passion摺左？見佢仲有網頁行緊

唔係摺咗，我話佢冇再有新產品。

作者: tophand88999 時間: 2018-5-17 17:35
講得好啱，我支持香港 3Racing，已有兩部佢出既，會買多部M車，FF車，雖然有人話佢D膠件，不過，Parts 精度夠高

作者: hpipro4 時間: 2018-5-17 22:18
講真KWS真係大不如前

作者: AMAT 時間: 2018-5-17 22:49

hpipro4 發表於 2018-5-17 22:18
講真KWS真係大不如前

個個鋪位都加租，賺埋俾業主食晒。
好多鋪位改晒做食O野，宜家變成係食街，唔再係HOBBY街。

作者: 1BM 時間: 2018-5-17 23:42
無錯，過去一年至今,炒股票真系賺到笑

作者: nde63h 時間: 2018-5-18 11:06

yin36 發表於 2018-5-17 15:09
吾好咁勞氣啦樓主, 吾係個個小朋友都識計做生意條數架, 講真有返四五十歲個班而繼續玩緊RC嘅都吾會計個一 ...

都未必淨係後生果班會講價。人cheap係無分年紀。見過大把中坑係模型舖講價。男人老狗抓爛塊面叫人平一百幾十，或者R贈品。

作者: AMAT 時間: 2018-5-18 11:32

nde63h 發表於 2018-5-18 11:06
都未必淨係後生果班會講價。人cheap係無分年紀。見過大把中坑係模型舖講價。男人老狗抓爛塊面叫人平一百 ...

咁口痕問一句就實有，例如齊頭得唔得，平果幾零蚊果隻。
但唔平唔好鬧人或上網話人黑店囉。

我成日都話，咩叫黑店，落閘放狗，你要果樣佢賣第樣呃你，果O的叫黑店。
價錢唔O岩賣貴一百幾十，唔鍾意減價或黑你面，呢O的唔可以叫黑店。

作者: pui4yip 時間: 2018-5-18 17:08
各位師兄都講得對，本人曾經做過模型鋪睇過貨單價格，模型鋪真係一架遙控車賺各位好少錢

作者: warehouse 時間: 2018-5-18 17:36
本帖最後由 warehouse 於 2018-6-6 00:07 編輯

我都支持香港3Racing，手頭有2部，xisport 及d3，xisport 1星期玩3次共2小時，大减摩打齒皮帶經常換(不知是質量問題或[attach]1105001[/attach]是我玩得白痴)，今次仲勁高速失控主板及二樓板斷晒，以為架車掉得，檢查後只換了主板及二樓板又可再玩，這車用料極好斷極都有個譜，試過雙星車高速撞乜鬼都斷晒無得醫。

作者: KHS 時間: 2018-5-19 21:24
見大家講得那麽開心，我也來説幾句，樓主你也衹駡其一不看其二，貴不貴也衹看市場説才萛，不會1500的價能説到變一千元，幾貨是好的自然幾錢都有人買，現在Rc市場是租金太高才少了些鋪不關講價的人問題，就萛講價店主也是在有利潤下售出不會是虧本出售，其實Rc開発成本有多高而售出平主要是吸引一些新人來玩將門檻降底些，應該不關什麽講價的人事，(純個人意見)

作者: wan1997 時間: 2018-5-20 06:59

KHS 發表於 2018-5-19 21:24
見大家講得那麽開心，我也來説幾句，樓主你也衹駡其一不看其二，貴不貴也衹看市場説才萛，不會1500的價能説 ...

係，租金貴人工貴是致命傷

作者: honest 時間: 2018-5-29 13:40
我而家去買罐頭，汽水，日用品。。etc，刀糸去士多或雜貨舖買。
就糸吾想有心做嘅小商人，比D大超市，大集團握死。
錢，我糸比多左，但得到嘅糸人情味。
而我住嘅地方，模型舖，由星星模型，一間一間咁汁笠。有D嘢可以買嘅店，只剩番元朗醜琪同隔幾間鋪嘅玩貝店(名吾記得)，仲有屯門短頸鹿。
佢地價錢一定貴過kws同網店。但e啲店舖，都糸陪伴住我地成長嘅有心人開，支持佢哋，我覺得糸應該嘅。
佢地有時都會黑面，但我會相當理解，世界難撈。。。
有人仲話佢地啲貨賣得貴，暴利。但人地D舖，開糸人流較小嘅偏偏遠地方，一日賣嘅數量，只糸KWS舖嘅3分1or5分1。
如同樣價格，人地赚乜呢。。。？

作者: AMAT 時間: 2018-5-29 13:49

honest 發表於 2018-5-29 13:40
我而家去買罐頭，汽水，日用品。。etc，刀糸去士多或雜貨舖買。
就糸吾想有心做嘅小商人，比D大超市，大集 ...

啲人成日計人地件貨個貨價，冇諗過除咗人工外，仲要計佢放係鋪頭個佔地成本，即我地成日講O既倉租。仲有因為呢件貨壓住O既錢O既成本同利息，如果賣唔出放係到幾個月，甚至一年，等各位大少嚟買，果下成本都要考慮。

大家近年都俾網上店同淘寶等縱慣咗，所以好難返轉頭。

雖然我都會係淘寶網上買，但適當時候我都會俾返鋪頭賺。

作者: honest 時間: 2018-5-29 20:41
totally agree

作者: mattlui1727 時間: 2018-6-2 22:10
1987-1989年，最喜歡去好景睇車，之後亦睇住一間間搬走結業，無錢賺無生存空間點做？執哂唔通買罐油吓吓上網買？但亦有一個問題係，我星期日休息，十間RC店九間又休星期日，咩銷售模式咩玩法？所以上個月買左個車架係RCM網購送上門，雖然貴左，但時間車錢又喺番度，但RC店星期日休息，你叫d爸爸放假點帶個仔仔去買車買零件親子樂，將RC興趣延長至下一代，只想講句：RC店要多d生存空間賺多d錢，唔該你星期日開門

作者: AMAT 時間: 2018-6-2 22:47

mattlui1727 發表於 2018-6-2 22:10
1987-1989年，最喜歡去好景睇車，之後亦睇住一間間搬走結業，無錢賺無生存空間點做？執哂唔通買罐油吓吓上 ...

你星期日想有家庭樂，人地都想有。
RCMART一樣係星期日休息。

作者: AMAT 時間: 2018-6-2 23:07
可能有O的人覺得，啲鋪頭星期日唔開，咁係佢地唔識搵錢，又阻住啲人去行街。

但你又有冇諗過，人地星期日都想放假?一星期返足六日，朝十二到晚八，你都選擇唔嚟，偏偏係要等人放假嚟，唔通人地係奴隸嚟。
每架RC已經執得唔多，仲想人返足七日，連假期都冇，更加唔好諗可以約朋友睇套戲，唔好諗返屋企人食飯，唔好諗搵個女朋友拍下拖。
仲未計唔少鋪頭收咗鋪要陪客去車場玩車，教人玩車果O的時間。
俾著我，我有啲咁O既客，我都唔做喇。因為分分鐘拆返開連最低工資都冇仲係做到好似隻狗咁。

仲有，好多工作，要人星期日開工，價錢又唔同。唔通諗住可以好似做酒樓便利店分幾更?人地果O的貨物流，賣RC比有得同佢比?

當然，做客唔會諗O架，我就係想我幾時想買就買，想睇就睇，你SERVE唔到我就係你問題。

所以咪越嚟越少人做遙控車囉，做到好似奴隸一樣。

作者: wan1997 時間: 2018-6-5 16:50
據知，某間rc店都曾嘗試星期日營業，根本就無生意

作者: nde63h 時間: 2018-6-5 16:56

mattlui1727 發表於 2018-6-2 22:10
1987-1989年，最喜歡去好景睇車，之後亦睇住一間間搬走結業，無錢賺無生存空間點做？執哂唔通買罐油吓吓上 ...

噴油好似無得上網買（i mean上網俾晒錢然後叫佢送貨）。你搵到邊度有唔該話我知。

作者: AMAT 時間: 2018-6-5 17:05

wan1997 發表於 2018-6-5 16:50
據知，某間rc店都曾嘗試星期日營業，根本就無生意

個個星期日開嚟為咗等某君某日帶小朋友嚟一次......

個LABOUR COST夠晒貴~

作者: sfdo 時間: 2018-7-24 08:38
本帖最後由 sfdo 於 2018-7-24 08:58 編輯

我賣 RC 野從來唔講價，只會問價，貴太高就唔買。
但有D店連問價都黑面，到最後，我入去某店指住櫃入面話要嗰D車胎，員店都搖頭唔採我...頂，有D店我入去睇價睇多幾睇店員就講D野打法我走(嗰時店內冇乜客)...，行街行到咁唔心開，到最後我都極少去 KWS，願意煩麻D上網訂去觀塘攞算。
就算行街，依家最多只想去東方街/窩打老道嗰兩間。(東方街嗰間雖然貴過KWS不過買得開心D)

作者: nde63h 時間: 2018-7-24 15:09

sfdo 發表於 2018-7-24 08:38
我賣 RC 野從來唔講價，只會問價，貴太高就唔買。
但有D店連問價都黑面，到最後，我入去某店指住櫃入面話要 ...

我都鍾意網購多。又唔係俾唔起嗰少少差價／運費。買得開心先係最重要。kws嗰啲咁有性格就由得佢地對住間無客嘅舖慢慢自high好了。

作者: chacha 時間: 2018-7-24 23:39
各有各好，實體店都要有係度，唔通係油麻地車場玩爛野，全場冇師兄有，咁等幾日返零件先再玩咩！

作者: RCMan_2006 時間: 2018-7-25 09:43

chacha 發表於 2018-7-24 23:39
各有各好，實體店都要有係度，唔通係油麻地車場玩爛野，全場冇師兄有，咁等幾日返零件先再玩咩！ ...

講中左, F1, 12仔零件除左1,兩車款有現貨, 大部份要訂, F1, 12仔少人玩, 沒落係其中一個原因

作者: GigaRacer 時間: 2018-7-25 14:16
13樓先好笑，問佢價，佢會話$260囉！加個囉係因為佢覺得我應該知價，定係佢以為我問完又問。面又黑，態度又差，寸寸貢。我真心想問佢囉乜L野！

作者: RCMan_2006 時間: 2018-7-25 15:15

GigaRacer 發表於 2018-7-25 14:16
13樓先好笑，問佢價，佢會話$260囉！加個囉係因為佢覺得我應該知價，定係佢以為我問完又問。面又黑，態度又 ...

有同感, 架紅車搵佢做 team driver 同經消

, 又只得佢同紅星有, andy 只有時有車賣, 如買parts 又要去13/F,

紅車好都冇用啦, 我自己就一定唔幫襯, 都係玩其他品牌算啦

作者: sfdo 時間: 2018-7-25 21:17

RCMan_2006 發表於 2018-7-25 09:43
講中左, F1, 12仔零件除左1,兩車款有現貨, 大部份要訂, F1, 12仔少人玩, 沒落係其中一個原因
...

個人見解：
RC店唔係因為 F1、12仔少人玩而少入件，而係因為唔想太多人玩而少入件。
一來車價比 Touring 平，車架款出得唔密(X-RAY除外)，因為 F1、12仔唔駛點改都已經好玩，就算改 setting，零件比 Touring/FF/M車/... 簡單而少，
一句講哂，賺得少嘅玩意街店都唔想太多人玩。

作者: RCMan_2006 時間: 2018-7-26 10:06

sfdo 發表於 2018-7-25 21:17
個人見解：
RC店唔係因為 F1、12仔少人玩而少入件，而係因為唔想太多人玩而少入件。
一來車價比 Touring ...

無錯, 做消費生意最驚一炮過或好耐先幫襯一次, 但越做越縮, 仲要黑面對客, 連幫襯機會都冇左, 買零件都咁煩, 所以 rc 越來越少人玩係正路.

作者: RCMan_2006 時間: 2018-7-26 10:19
現在的F1, 12仔真係一開盒就非常好跑, 真係無乜好改

作者: Ansonyeung86 時間: 2018-12-29 11:58
香港做鋪行行都係咁架啦。成本高唔係人工問題，係租金，根本做做埋埋都比晒業主

作者: Ansonyeung86 時間: 2018-12-29 12:01
我自己係RC新手。玩無耐，都係見屋企附近有場玩先學人玩下，自己都咩都玩下，HIFi,AV,單車，wargame咩都有玩，玩車我諗最抵玩了，但問題係場地，政府做多d場一定多好多人玩，自然生意就好，唔係只會漸漸走向小圈子玩意，冇新人玩了

作者: sfdo 時間: 2019-1-1 19:21
我都有踩單車。
我反而覺得單車消費低過玩RC 好多。
入門單車三千蚊內已買到架唔錯嘅車，損耗低。DIY 換呔嘅話平均平過 RC 呔。
遙控車，三千蚊內只買到套控、差機同電。電、呔損耗快，要頻換。

香港以我所知有三個公家場，我覺得算係咁啦。
踩單車係體力先決，快有快踩，慢有慢踩。
玩遙控車係器材(包括電、電變、摩打...)先決，門檻高，玩得慢又容易被快車撞爛...
如果唔想 RC 走向小圈子玩意，我認為快車手都有義務，讓下D新手，盡量避免碰撞。

歡迎光臨 RC EVOLUTION - 遙控工房 - 香港RC遙控車討論區 (https://www.rc-evo.com/xbbs/)