RC EVOLUTION - 遙控工房 - 香港RC遙控車討論區

標題: 好正的控 Traranis x9D [打印本頁]

作者: edmondyp 時間: 2016-6-7 15:57
標題: 好正的控 Traranis x9D
真的很正，可任意set 任何button 去就自己控制，千零元，正

: 登錄/註冊後可看大圖

作者: RGM-111 時間: 2016-6-8 10:22
Receiver 容易買嗎?

作者: ckcgary 時間: 2016-6-8 10:45

RGM-111 發表於 2016-6-8 10:22
Receiver 容易買嗎?

FrSky 接收唔難買到。

作者: reading 時間: 2016-6-8 10:51
本帖最後由 reading 於 2016-6-8 14:21 編輯

deleted!

作者: edmondyp 時間: 2016-6-9 01:24

RGM-111 發表於 2016-6-8 10:22
Receiver 容易買嗎?

淘寶好多

作者: RC_FANS 時間: 2016-6-14 16:00
請問師兄個控係響邊度買嘅呢 ?

作者: edmondyp 時間: 2016-6-14 22:46
淘寶

作者: RC_FANS 時間: 2016-6-15 06:10
呢隻牌子鬼老嘅評價都幾好，但一去到咁嘅價錢，淘寶會唔會有假貨呢？

作者: RC_FANS 時間: 2016-6-25 16:01
剛剛都買咗，冇玩五六年個遙控模型圈生態變咗好多，學點用個控竟然要讀大學（ Open TX U）

作者: edmondyp 時間: 2016-6-25 16:30
youtube and open TX 我睇了差不多兩星期

突別是使用 telemetry
非常好用，可在控睇晒有關飛控資料
勁

作者: 法師傅 時間: 2016-6-25 17:15

RC_FANS 發表於 2016-6-15 06:10
呢隻牌子鬼老嘅評價都幾好，但一去到咁嘅價錢，淘寶會唔會有假貨呢？

淘寶假貨比真貨好 XD

作者: blackshark3 時間: 2016-6-25 18:38

RC_FANS 發表於 2016-6-25 16:01
剛剛都買咗，冇玩五六年個遙控模型圈生態變咗好多，學點用個控竟然要讀大學（ Open TX U）
...

我都係，上一枝控Futaba 14MZ仲要拉天綫嘅，幾難搣甩舗癮依家又舂返個頭落去，但控同動力系統所有嘢唔同晒，要重新開始。

至於呢枝控都有買，都係睇咗外國評論好似幾好咪買枝睇吓，但買咗兩個月擺喺度一次都冇用過，太複雜又唔易用，個program好聽就話有彈性現實就係冇人去諗個user interface。嗰兩枝棍又唔順，開盒教彈弓後竟然一邊棍會突然俾乜都唔郁但唔郁棍會自己俾嘢好得人驚，之後發現原來個插接觸不良，自己搞完一輪整返好，但如隻機上咗天先發現就死梗。
所以，就算大家都大6做，人地Futaba做工好，QC好，一分錢一分貨，就算千零蚊嘅四軸仔我都唔搏用返枝18仔，炒機因死控就係最唔抵，且又唔係貴又唔係好似電話咁年年轉款，炒一隻機分分鐘唔只啦！

作者: CK4237 時間: 2016-6-25 22:25
大陸控.........................

作者: RC_FANS 時間: 2016-6-29 10:34
本帖最後由 RC_FANS 於 2016-6-29 10:51 編輯

大6控對小弟唔係問題, 反正隻機都係全大陸件,就算炒咗都損失有限. 因為價錢低, 第日想換控或唔玩嘅話放出去大把人要.

但呢個控真係好複雜, 由枝棍仔到個接收ch 嘅 mapping, 竟然要過兩關, 第一關係棍仔 -> 所謂"input" 嘅 mapping, 跟著再到 input -> 接收 ch 嘅 mapping. 每一關嘅 mapping 都有 N 個 parameters, 駛唔駛呀 ?! 基本概念, 棍仔咪就係 input 囉, 用 input 去 define 另一堆 input 先至到 output ? 相信對好多老手嚟講呢個都係新嘅概念.

仲有就係D menu 嘅編排好亂下, 冇咩邏輯, 你要死記邊D功能係邊個 menu, 同埋每嘅 menu 點樣打開, 小弟冇電腦恐懼症, 但都覺得有D抗拒. 但對一D做特別嘅 DIY project 嘅人呢部控嘅靈活性基本上係無可取代.

作者: yoowicked 時間: 2016-6-29 11:07
傻傻一問，如果玩穿越，咁多制有乜用？通常會set咩功能？

作者: RC_FANS 時間: 2016-6-29 13:11

yoowicked 發表於 2016-6-29 11:07
傻傻一問，如果玩穿越，咁多制有乜用？通常會set咩功能？

尋晚 set 咗第一個開關愛嚟 arm / disarm 個飛控, 其他功能諗著用嘅包括 fail safe test, 揀 flight mode, 改參數等等.

作者: blackshark3 時間: 2016-6-29 14:32

RC_FANS 發表於 2016-6-29 10:34
大6控對小弟唔係問題, 反正隻機都係全大陸件,就算炒咗都損失有限. 因為價錢低, 第日想換控或唔玩嘅話放出去 ...

炒爛機當然冇問題，上得天就預咗落嚟，但因為衰控炒落嚟有傷人損物就唔同，所以飛得起嘅模型枝控嘅可靠性好緊要。

至於枝Taranis控，佢呢樣mapping懶有彈性其實多舊魚，廿幾年前Futaba 9Z WC已經做到，唔係乜特別。人地Futaba係有個user interface俾你做，要複雜又得，要簡單亦得。呢隻嘢，個software係open soft所以唔要求得咁多，但硬件整部老翻n年前 JR 9仔嘅外殼（但佢冇老翻佢最好用個轆）加多幾個channel跟住load個open software就攞去賣都可謂慳水慳力之作，要話佢係“好正的控”真係講唔出口

作者: RC_FANS 時間: 2016-6-29 15:01
本帖最後由 RC_FANS 於 2016-6-29 15:26 編輯

依家唔同舊時啦, 依家好多公司都講緊 Digital Transformation, JR 同 Futaba 嗰D咩都自己做嗮嘅舊商業模式遲早會被淘汰. 依家做生意係講可唔可以做到一個共贏同埋有規模嘅生態圈, 好似電話D Apps 咁, D 介面可以做到好正, 如果只係電話製造商開發軟件就死硬. Taranis ( 應該話係 Open Tx) 個介面做得咁差係因為佢個生態圈唔夠大, 唔係因為 open source 嘅緣故. Open source 係大勢所趨, Frsky 係行緊正確嘅一步.

作者: edmondyp 時間: 2016-6-29 16:08

blackshark3 發表於 2016-6-29 14:32
炒爛機當然冇問題，上得天就預咗落嚟，但因為衰控炒落嚟有傷人損物就唔同，所以飛得起嘅模型枝控嘅可靠性 ...

Futaba -------有錢人恩物
Frsky----------窮人恩物

好唔好，見人見智，請勿取笑他人意見，冇禮貌、冇品、冇建設性

作者: blackshark3 時間: 2016-6-29 23:19

edmondyp 發表於 2016-6-29 16:08
Futaba -------有錢人恩物
Frsky----------窮人恩物

我話嗰枝控唔係“好正的控“就係冇品冇禮貌？你都幾好笑喎！我只係講咗嗰枝控嘅缺點，你接唔接受唔關我事，但你玻璃心話人就有品有禮貌？

作者: blackshark3 時間: 2016-6-29 23:47

RC_FANS 發表於 2016-6-29 15:01
依家唔同舊時啦, 依家好多公司都講緊 Digital Transformation, JR 同 Futaba 嗰D咩都自己做嗮嘅舊商業模式 ...

我其實想等枝Horus X12，鬼佬網講話個介面好用，但忍唔住買咗Taranis跟住搞咗一輪後就掉喺度，依家攞嚟飛sim貪佢usb直插方便又可順便試下仲會唔會枝控自己俾嘢。

我同意Futaba JR將來唔夠大陸控做，甚至而家照睇JR都好危，大陸控只要唔再“差不多先生”就真係打死佢地，所以就算枝Taranis唔就我，Horus X12出都好大機會買嚟睇吓

作者: victorhk 時間: 2016-7-3 11:27
枝X9D最正是連接電腦set, 開頭學習時，真係一個大難關，只要衝破就好好玩，電腦可以simulate mapping 同其他，又例如四軸轉mode 可以讀出預先錄好的wave (RTL, acro, loiter)，玩apm, pixhawk 有時轉mode 轉到亂，另外一路飛一路報電壓同RSSI，等自己有預算。
茶餐廳價錢，"扮"酒店享受，但始終硬件QC可以改善。(如果打算買就要留意，雖然大陸控，但想搵本中文menu 都無，想即買即食就唔好啦)

作者: RC_FANS 時間: 2016-7-3 21:39

victorhk 發表於 2016-7-3 11:27
枝X9D最正是連接電腦set, 開頭學習時，真係一個大難關，只要衝破就好好玩，電腦可以simulate mapping 同其 ...

呢部控（應該話係 Open TX）最大嘅弱點就係冇說明書。唔好話中文，英文都冇份好嘅說明書。網上揾到嘅較完整版本只有兩個， Open TX 2.0 同 Open TX 2.1.8. 前者淨講個控嘅 menu，幾詳盡，可惜唔夠 update，後者只講點樣透過電腦 set ( 用 Open TX companion ). 電腦唔係身邊就用唔著。

作者: edmondyp 時間: 2016-7-4 01:35
絕對同意，最大嘅弱點就係冇說明書，但當學會點用，是非常好用，變化無窮

作者: vones 時間: 2016-7-4 11:05
最初都想買 x9D plus，不過最後買左Flysky i10, 貪佢个介面易用。

作者: RC_FANS 時間: 2016-7-4 15:17
本帖最後由 RC_FANS 於 2016-7-4 16:21 編輯

Flysky 個控夠型仔, 但接收嘅選擇好似少好多. 但更重要嘅係, 佢可唔可以接受飛控發出嚟嘅 telemetry 信號呢 ? Cleanflight 嘅 port 頁面 ( set 係邊個 port 同用咩 protocol 傳送 telemetry 數據俾個接收 ) 好似唔見佢, 但 Frsky 就有.

作者: vones 時間: 2016-7-4 22:21
本帖最後由 vones 於 2016-7-4 22:26 編輯

Flysky telemetry 只可以用佢啲sensor，佢係用自家嘅ibus, cleanflight 已經支援ibus, 同埋佢新firmware 亦都支援sbus output，我用sbus 在pixhawk, 已經夠用了。

作者: littlestep 時間: 2016-7-6 10:40

blackshark3 發表於 2016-6-29 14:32
炒爛機當然冇問題，上得天就預咗落嚟，但因為衰控炒落嚟有傷人損物就唔同，所以飛得起嘅模型枝控嘅可靠性 ...

我都係咁話, 之前用DEVO10 用左好幾年. 係PK在冇ＨＶ　先從投ＦＵＴＡＢＡ買支１８仔。唔用好地地，　一用就知乜叫一分錢一分貨。就算１４ＳＧ　都不能比。
至於X9D 就真係有些搞笑, 喂! 我以前都係做IT , 但而家我想玩飛機O者, 使唔使LOGIC 到要寫個FIRMWARE 先可以比人玩..?
而家O的飛控都越來越人性化, 呢支野搞笑到要BASE MAPPING , 冇INTERFACE, 仲話乜春自由化做賣點....嘔!
一支T8FG 又好, 14SG 或18SZ , MZ 都好, 10幾廿隻SERVO 的GIDLER 都MIX得掂, 何必要SET 條thuttle curve 或Pitch curve 都要變身PROGRAMMER 先做到..?
O拿! 鬼唔知呀媽係女人比個OPEN TX /RX 我, 然後自己寫個FIRMWARE 出黎一定無敵啦.....
簡直係反智的產品!

作者: littlestep 時間: 2016-7-6 11:03

RC_FANS 發表於 2016-6-29 15:01
依家唔同舊時啦, 依家好多公司都講緊 Digital Transformation, JR 同 Futaba 嗰D咩都自己做嗮嘅舊商業模式 ...

ＡＰＰＳ　都不可能OPEN SOURCE. 最多不收費玩BULID IN MARKETING.
OPEN SOURCE 從來只可以係一件開發平台, 比如個OS.
但INTERFACE 必須係收費產權. DEVO 都有CUSTOM ROM 變無敵控.但作為廠家一O的都唔會HAPPY.影響哂成個生態圈.
話FUTABA 同JR 等落後更係把IT仔O既機佬觀套入世界現實商業O既價值觀之上.
我唔反對一支控可以ANDROID 化, 但相信冇人會ON 9 到買一部要自己變身為專家, 要自己MAP返所有功能先可以用到O既手機, IPHONE 好賣唔只係APPS 開發平台自由化, 而係用家就算係個白痴都識用.
IT 佬往往走火入魔就係咁, 以為自己O既專業同知識係大能哂, 但面對外面O既世界, 佢地O既專業如果只係小圈子圍埋一齊打邊爐玩哂, 外人無法享受, 根本只係冇價值O既科技.

如果以咁O既LOGIC 都叫好產品, 咁下次3叔出部手機只係得個LINUX 底要用家自己寫個ROM 上去一定賣斷市.Digital Transformation 真正IDLEA係點.., 請問做過生意未?

作者: vones 時間: 2016-7-6 12:03
2.4G 控由Spektrum 第一代開始用, 跟着轉用JR 2.4G 9 channels, 到現在買大陸控 flysky. 2.4G 控以前都会有signal loss 報告, spektrum 和 Futaba 都曾經有過。現在2.4G 控技術已相當成熟, 不同牌子, 只是介面和搖控距離有分別。最重要是自己有安全意識，不要在人多的地方玩，總之玩飛上天的玩意，都要小心一點。

作者: RC_FANS 時間: 2016-7-6 12:43
本帖最後由 RC_FANS 於 2016-7-6 14:53 編輯

vones 發表於 2016-7-6 12:03
2.4G 控由Spektrum 第一代開始用, 跟着轉用JR 2.4G 9 channels, 到現在買大陸控 flysky. 2.4G 控以前都会有 ...

絕對同意, 嗰日係南生圍見到有個師兄飛隻電直反嚟反去, 隻機下面就有D靚仔係度踩單車, 果個師兄睇落都幾十勾, 但個腦估計只有三歲大. 或者佢係用 Futaba 18 仔, 信心爆澎啦

作者: blackshark3 時間: 2016-7-6 23:51

RC_FANS 發表於 2016-7-6 12:43
絕對同意, 嗰日係南生圍見到有個師兄飛隻電直反嚟反去, 隻機下面就有D靚仔係度踩單車, 果個師兄睇落都幾十 ...

嗰啲喺人頭頂飛嘅唔只係冇腦，直頭收買人命，同用乜控冇關

作者: solaris8x86 時間: 2016-7-13 13:12
依個控真係好靚，但係要識得set...

作者: RC_FANS 時間: 2016-7-25 14:23
本帖最後由 RC_FANS 於 2016-7-25 14:30 編輯

呢排搞緊部控D制嘅 setting, 越搞越多, 轉 flight mode, 改 PID setting, fail safe test ..... 8ch 都就快唔夠用. 幾鍾意部控可以 set 到啪咗個制後佢可以用語音話返俾你聽咩嘢功能著咗. 啪錯制都馬上知. 但跟控個 D sound file 入面好多功能嘅聲帶都冇, ( 譬如 "Horizon mode", "Baro mode", "adjust roll & pitch P" , "increase", "decrease" .... ) 要自己整, 我又唔想錄自己把聲,因為自問把聲唔靚, Open TX 官網有個軟件可以產生自定嘅 .wav file, 你打D字入去佢會產生個 .wav File 讀返D字出嚟. 但我部電腦嘅防毒軟件 ( Norton ) 話佢唔安全, 所以都唔敢單撈. 睇過網上其他軟件都要收錢, 免費嗰D嘅聲音質素又唔掂, 最後揾到呢個免費嘅線上軟件幾好 : https://www.rc-thoughts.com/tts/converter.php . 有興趣嘅師兄可以試下.

直接用部控改 PID setting 最好換D 彈弓啪制上去. 用熟咗發覺部控其實都唔係太難用.

作者: edmondyp 時間: 2016-7-25 19:33
x8r 可以bind做16 channel的，實夠用

作者: RC_FANS 時間: 2016-7-25 19:43
我係用 X4Rii, 貪佢夠細。PPM 出最多 8 ch.

歡迎光臨 RC EVOLUTION - 遙控工房 - 香港RC遙控車討論區 (https://www.rc-evo.com/xbbs/)