RC EVOLUTION - 遙控工房 - 香港RC遙控車討論區

 找回密碼
 新玩家註冊
搜索
查看: 3898|回復: 0
收起左側

再析鐵血之孤兒第一季

[複製鏈接]
 樓主| AMAT 發表於 2016-3-28 21:29:44 | 顯示全部樓層 |閱讀模式

遊客登錄

您需要 登錄 才可以下載或查看,沒有帳號?新玩家註冊

x

鐵血之孤兒第一季完,第二季要等到九月。可以係到再補充返小小第一季嘅後感。

首先對於機設(睇高達必然睇機設先啦),到今日我都係唔鍾意,肉酸,僅比Turn A好小小,但故事方面嚟講,如我之前所講,係走唔出以往嘅高達模式。不過故事走向上係的確好成人向,唔講血醒果下,要小朋友明白當中明爭暗鬥,係非常難,小朋友睇的話會悶到甩轆。但係其爭鬥嘅內容則唔會好似以前咁幼稚式。例如解放火星只係利益分布嘅洗牌,支持鐵華團只係為自己未來軍火軍力事業推波助瀾。唔係為啲咩好理想性嘅消除戰爭,咩大家互相瞭解。鐵華團只為求活。大家只為求利益。走向上冇以往高達嘅理想化,連主角都係一個唔係為咩理想,只係求生咁大把,邊個阻佢就殺邊個,唔好搞咩大道理。

感覺上對故事含意理解,似係一種對日本社會年輕一代比忽視與勞役嘅批判。社會一早被成年人瓜分(地球),處於弱勢嘅年輕人被邊沿化(火星)。年輕人嘅工作只係成年人嘅從屬或犧牲品(第一集嘅血戰)。要点樣可以破壞個已經被成年人規則所控制嘅社會?遇神殺神?三日月或奇里奧正正就有如本來被社會作為利用嘅低下層,但正正用住被欺壓下強逼安裝嘅阿拉耶系統對成年人反敗為勝。利用住成年人壓逼嘅手段嚟反壓制成年人,成為成個劇成年人與年輕人嘅抗爭故事。如果比一個機會年輕人去做一件事,可能反而可以更有熱血地做,就算唔知下一步而点,總之就係勇往向前。

加拉爾號角無疑比喻為公務員系統,一班出身貴族(所謂嘅社會精英)但根本就係毫無經驗,只係靠住其權威嚟行事。係實戰上根本就不堪一擊錯漏百出,只係識為護自己尊貴面子同匿係權力之後。而麥基里斯呢個非精英體系有幸進入就為呢個系統引爆。

但如果破壞咗呢個社會既有規則下,大家會變成咩呢?相信呢個可能係下一集嘅重点。又或者佢地自身只係成為另一啲人作為祈望衝擊社會洗牌嘅棋子。勇之當頭,亦可能成為別人利用而已。

故事嘅解析可以並不幼稚,可以係好關係社會性。

期望下一季登場再繼續解讀。

http://g-tekketsu.com

您需要登錄後才可以回帖 登錄 | 新玩家註冊

本版積分規則

手機版|小黑屋|RC EVOLUTION - 遙控工房

GMT+8, 2024-3-28 16:46 , Processed in 0.035422 second(s), 15 queries , Gzip On.

Powered by Discuz! X3.2

© 2001-2013 Comsenz Inc.

快速回復 返回頂部 返回列表