Nano CP X 改無刷

小弟買左第一架RC 直升機(Nano CPX)只係個多月，架機已經被我呢個生手搞到體無完膚，主摩打在我日操夜操之後圓寂。
想左好耐，長期換摩打唔係辦法........長痛不如短痛，都係改無刷啦！
於是走去搵B哥，買左套無刷升級件.....
搞左成個禮拜，好彩有B哥大力幫忙，又幫我試呢樣試個樣，卒之搞掂！剛剛試飛成功！！
遺憾改裝途中無影返D相做記錄(因為拆直升機都係第一次，實在係手震加心震，重邊有心情影相)，只有呢D改裝後的相。

無刷電變同主底版的接線，呢樣又係要多謝B哥幫我，佢見我D手功太差，於是幫我銲過D線。

登錄/註冊後可看大圖

嘩！ 大手術黎喎

wildbruiser 發表於 2013-3-30 22:50

                               
登錄/註冊後可看大圖

嘩！ 大手術黎喎

原裝個有刷摩打玩三四十排電到就會完壽(如果錫住玩就可以玩耐D，但我係暴力人仕....)，每次換個摩打都係要打開晒成隻機，拆漿拆servo，橫掂都係拆，不如一次過，換左無刷起碼玩耐D。

改無刷後, 原裝 35C 電玩 3D 可飛幾耐

only 發表於 2013-3-31 00:11

                               
登錄/註冊後可看大圖

改無刷後, 原裝 35C 電玩 3D 可飛幾耐

未試，只在家中試飛一陣Hovering，因為個變速可以設定Firmware改摩打Timing，又唔同KV摩打都有唔同setting，網上講就話 governor mode 要 set 到條Thro. Curve 在80%，但而家我個電變係改左 Firmware 做 linear Mode，又要上網讀一輪論文先至清楚點 set.........  試飛 Hovering 有4分幾鐘，但一收少少油架機就跌得好快，重未息應新摩打動力轉變，如果突然全速可能會直衝上天花..

改了無刷後,Thro. Curve 一定要改,否則一飛沖天,再飛落地.