極x有個老闆真係當d客瘟神咁

可能人緣掛，我又覺得Andy冇乜野，我而家先知佢係老細，開始係會比佢串下既，日子耐左都領悟倒少少相處之道。
我有個建議比新手，如果想搵好似孖星，yokomo呢d大牌子野，可以去左偉高八下件先，唔一定要問價，因為九成都係極速平過佢。
到你要買，咪直接問ANDY有冇果件野，有就比錢，冇就唔好多口。
偉高D人唔會話你唔買野就黑面，放心參觀。
極速始於空間有限，人多果陣問得多當然會燥燥地。
我都算係問題少年啊！但至少唔覺有邊間既老闆對我黑面。
重有一點就係唔好問d問題令佢覺得係問黎都多餘既就得啦！

惡攪少少講句，既然咁多師兄咁不滿D RC舖既話，咁就千祈唔好幫襯啦！
online訂啦！反正你地都唔志在錢同時間, 咁就唔好同小弟去爭零件，我成日買唔倒件，成日賣曬，好hurt架。
小弟比較貧，RC都係慳住玩，當每件都平十元八塊，買幾件之後慳左既錢又可以買多D。
更何我了解左佢地大約性格之後未試過比任何老闆黑面，有幾位仲會自動discount添。
如果你想落舖頭享受五星級服務性既話，請回強國消費，想做土豪大爺就稍移玉步，過大海。