雞地Drift Group發表重要聲明!

件事係點都好.....包包,邦叔,呀石,德叔,啫喱,打攪到你地....
好對唔住

由天揚倉忠哥(係度再次為全港rc drifter同佢老人家講聲多謝)開始為我地穿針引線做訪問,
我地跟本就冇諗過呢件事係威,係出名,
果日我地收到個咁既消息,諗都冇諗即時開post,
請晒全香港既rc drifter黎一齊去做呢個活動,
仲要係電話教大家點黎呀,叫大定一定要黎呀,
當日仲驚大家玩得唔開心,前一日又落雨,
我地仲要將場地拖乾.再問臨華會既會長(唔該晒呀龍)借路碟,
舖夠兩條Track比大家玩,果晚我地成十二點都冇飯食.為乜???
一心只係打從為件事.為大家,為推廣呢項活動,
要威,我地自己唔出post,做完個訪問先再post返本書出黎,
咁唔係威好多,高好多咩.攪咁多做乜,但係我地冇咁做,
一切一切我地都係出自真心.唔係話要出名要做訪問,

當日我地係有同記者哥哥呀齊講左,
我地唔係咩Team物Team,只係我地幾個蛋散自己圍內玩.
叫佢唔好出Team名.可能佢唔記得or交左比其他同事跟,
應該唔係d咩炒唔炒作呀果d野,我地亦都冇心去用雞地drift group個排頭
包包,邦叔,有d咩誤會我地真係好衷心同你地講聲對唔住,
如有得罪,請多多包涵


以上所有內容小弟有講大話既
天打雷劈,不得好死

所有當中既因由我地會再同包包同邦叔私底下傾,
懇請其他sd hobby會員唔好再出post.以免事件愈描愈黑

再次同五位雞運會既成員講聲對唔住

[ 本帖最後由 magic-vtec 於 2009-3-13 17:11 編輯 ]

其實可能會有人問..
我地點解唔同呀齊哥哥講用Team sd hobby既排頭...

咁係機於過去有好多令我地幾個唔想再提既事件發生左...
手足走得既就走左...轉玩其他玩具既又有...
而我地幾個係由當初既雞地Drift Group...
很間接地轉左名做Team sd hobby...
一路冇理過Group內/Team內既攪手點做...
要點樣攪大個Team呀.點樣將個Group轉名呀.
呢d野不嬲唔會過問.我地玩ja.又唔係要做呀哥同搵錢,

只有一棵對rc drift 既熱誠...就係呢棵熱誠既支持,
我地幾個今時今日仲咁好火玩車,
唔好話team sd hobby吖,
有返咁上下年資既drifter我都睇到佢地一個一個咁冇玩車或者係轉野玩...
最多都係比賽先出黎玩...更甚連比賽都唔玩...
雞運會到而家,有幾多個玩drift仲有我地咁有熱誠.
大佬,你話玩咁耐悶唔悶...話唔悶就呃你既...
但我地知道,呢個圈子唔大,少得一個得一個,
唔想呢樣野遲早會冇人玩...冇左人去支持,
我地對玩車既熱誠唔係靠我把口講,而係去做出黎,
我地要威要出名可以有好多方法...
我地會唔會咁白痴去搵一個比人小硬既方面去令自己威


事實既真相同我地既心意就講晒出黎,
jelly兄你想點做就點做啦隨便

夠喇...各位手足.........一場誤會.何必係度攪大佢呢....
天知,地知,我知,仲有你知便已足夠

原帖由 catchauhk 於 2009-3-14 12:26 AM 發表

                               
登錄/註冊後可看大圖

我有個疑問...其實究竟有咩福利同埋可以博到d咩呢???
唔通係有玩車津貼同獎金???

原帖由 北極熊 於 2009-3-14 12:55 PM 發表

                               
登錄/註冊後可看大圖

嘩.......係囉......真係唔知囉，可能去廣華街買野會俾多個膠袋掛;P

講多一次........夠喇

原帖由 kstyle 於 2009-3-14 01:27 AM 發表

                               
登錄/註冊後可看大圖

其實我地係想了解一下點解仲會有雞地Drift Group出來做訪問
可能係字眼上令到大家有誤會 , 我係度同大家講聲Sorry
但你地覺得我地當中有d人講一套做一套我就唔同意囉
由最初幾十人係球場玩...到要轉名...再解散
點解會有咁多人係個車隊入面玩得唔開心要退出
有人係後面做左幾多野講左幾多野你地又有幾多人知先
我係度講呢d野出來唔係話要你地覺得我地係好人
係要你地知到邊d人係衰人

包...大果班當初話要雞運會轉名..要推薦一個大哥出黎,
一切一切我都接受唔到,為何一定要轉名.攪team花.
擺明車馬就係騎劫雞運會個名,要脫離"我地係雞運會"呢個型像,
但係你果時又轉左玩M車(係好好玩,我都差d想唔玩drift轉玩M車)
比人乘機踢走左個話事權,...............................................
咁我唔埋sd hobby堆...我可以同邊個玩drift.
但我確確實實又唔想埋堆.明知雞運會係會從此消失.
只剩下雞地FF Group.到時唔通我自己係球場度自己一個人玩咩.
你教我,我可以點做,..全部都係班大講出黎,話晒事,
有冇問過我地想唔想(至少冇問我),
係咁樣既情況下,我選擇左投降,
做最後一個由雞運會會仔身份轉做sd hobby會員,

到有d野發生左....就返返轉頭話轉返雞運會...
唔知點解又有人跟佢過果下抵死...轉名過陣就問都唔問下你呀包,
有事就話要返返轉頭.你又再次被擺上枱做返會長,
而sd hobby呢邊d大既又轉玩飛機...
掉低只有我地而家呢幾個...咁點呀...當時我地有三個選擇

一) 我地幾個轉玩飛機  ...
二) 我地幾個跟埋佢 ...
三) 留係度自己繼續玩

我地揀左三,但我地用咩身份黎玩呢...team sd hobby????????
唔係唔得,但係佢過返雞運會之後...掉轉槍頭好似同我地有仇咁....

由頭到尾...我地有話要離隊咩
點解要好似我地幾個同你有仇咁ja
關我地撚事咩.我地就剩係玩.
蚊事都係你地班大既攪出黎.
咁即係點即而家.我地錯咩....咪錯在聽人話Lor...



包包....邊個係好人邊個衰人我地都識睇...
但係好多時我地係冇計咋....
so自果單野後我地幾個唔再背負team呢個重擔...
每之都以個人名義出比賽....

我講咁多野唔係要話邊個邊個...
唔係要有人出黎交代.
只係想講出我地既景況比大家知
我地幾個係o係一個咁惡劣既背景下.
一樣係好喜歡rc drift.對佢不離不棄架

有咩得罪請多多包涵,小弟唔係想鬧交

[ 本帖最後由 magic-vtec 於 2009-3-14 14:46 編輯 ]