避振漏油問題

如果落左綠油(或三萬左右o既牙差油都得) 仲有漏油, 可能 o ring 丕左, 亦可能油壓心花左。建議抺干淨睇睇。
不過玩完之後有輕微滲油係正常現象。

RCandylau 發表於 2014-6-4 00:23
2個o ring有問題

Sorry 我之前應該先解析一下
首先小弟並冇裝錯油壓, 亦冇漏油。紅色果粒 o-ring 的確係我自己加上去, 而且只係後面兩條油壓有加。作用係當炒車或打關斗時限制油壓芯唔好過度向上縮而頂穿油壓頂部內o既膠蓋。雖然炒車爛野好正常, 不過都係希望爛少一樣得一樣咁解姐。反正冇影響運作, 而又真係打過關斗而又冇頂穿個膠蓋, 咁相安無事就費事拆啦。
至於樓主o既漏油事件, "個人估計"好大機會係油壓芯花左, 導致條油壓每一次伸縮, 花痕都會從內部帶出一定量o既油壓油出來, 所以都可當作漏油論。
想知有多少油從呢個途徑漏出來好簡單, 首先甩彈弓再抺干淨條油壓, 最好用白電油抺 (唔好沉, 唔係 o-ring 會發漲, 到時真係漏油), 跟住縮盡油壓芯再拉出來一次, 再倒少少爽身粉落去, 跟住用手指輕輕彈幾下條芯彈走o的粉, 再抺下條芯又伸縮下又落下粉又彈下, 如是者做三幾次比較一下條芯係唔係野野都好上粉就知係唔係因為咁樣漏油。

多口講多幾句, S411 油壓筒底部 o-ring 外應該有件黑色膠介子咁野, 如果果件野o既"內孔"變左形或大左, 油壓芯就可360度搖動, 咁就一定漏油。
如果要換野真係唔爭在果幾粒野, 果幾粒野都可以係漏油o既關鍵。