有感而發~昔日玩Holiday Buggy

廿多年前，我細個三四年班果時，我老母周不時帶我去藍田十幾座度探佢契媽，入到屋內望上櫃頂總有一舊又一舊大大舊既高達。每次到步我舅父仔(契舅父)總會拎兩樣野出黎。一係木結他，ニ係一架車上有個帶牛仔帽既牛仔既搖控車。但拎技木結他出黎都唔知做乜？？每次都係帶埋架車同我穿過勁播緊日本流行曲既走廊落樓下百貨公司(規模其實只係一間士多咁上緊)買電蕊再過屋邨遊樂場放車。果時仲要用棍控玩，左右手又唔協調，成日驚架車個牛仔飛出黎。玩左好耐(我諗＋多分鐘，可能小朋友覺得好耐)，就帶我走去老遠既模型鋪睇模型。有一盒大大盒；個盒有D白色又有D綠色。舅父仔講過我知佢叫草猛，係我第一架認識既搖控車，當時好似賣大約三佰幾，最平既一部。年年去親盒車都仲係度。至於舅父仔架車；由我初次玩係藍色，一次一次咁多左好多白色(花痕)。幾年後冇再玩果部車，舅父仔亦好少見。而我好肯定當年果架有個帶牛仔帽既牛仔既搖控車，就係田官既Holiday Buggy  ！  舅父仔你依家係邊呢？架Holiday Buggy  又仲係唔係度呢？？真懐念你比我既小小快樂.....................

yes , but too expensive

Holiday Buggy可以仲搵到,咁舅父仔去邊樹揾........................