買新車幾問~~

落場鬥車, 第一千其唔好買3 racing, 無人會拎架3 racing 20m 去鬥車, 底板脆弱易爆, 波頭虛位奇大
其他好多選擇, 例如: 俄妹a800mmx, xray T4 2020, yokomo BD10, infinity IF14 II, xpress XQ10等等不能盡錄

落得場鬥車, 你預Budget 1.5萬 - 2萬 蚊左右la, 就已經可以去比賽la, 少過呢個數唔好再問我有無d平d既選擇, 可以答你係無既, 除非係買二手車

如果想平玩, 唔好落後太多, 就玩xpress xq1s la, tt02唔好再浪費金錢落去改, 點改都唔會拎到去鬥modify/stock

本身玩緊TT02, 不過廢事改實在
想問下大家落場鬥車係咪都係幾千蚊底盤果D?或者應該問要有得同人落場玩下既話, 咩BUDGET比較武器合格? 假設技術一樣既情況下

同埋有咩比較值得推介, 唔想咁多野要換要整之後, 撞爛左要換就無所謂果D。主要係唔想要大改同埋太花錢去改Ｄ本應一開始可以買好Ｄ而避免到既車

感謝大家～～想今日去買因為


想去買之前, 真係要做好多功課先, 先會買到岩自己心水既野, 除左車架之外, 遙控都好重要, 甚至比起車架更重要, 推介sanwa m17, futaba 7px/r, 呢度預3.8k-4k, 係得呢兩隻, 無中間, 亦都無平少少, 一係你唔好講去鬥車

車架我上面都講左幾款, 近排最hit 係俄妹 a800mmx, $43xx左右, 買呢部都無乜錯架la, 但唔易砌, 最好上網或者去車場請教下人, 一買返黎就full option無咩要改, 即刻鬥得

電子野用HW 160a, 摩打用v10G3 4.5T, 呢d都係好standard基本裝備

電用zombie, nosram, flash, ip, 是但用一款, 要有120c 以上, 底過都係無謂去鬥la, 買大陸電算啦, 電量不宜太多, 5000mAh-5800mAh 之間就好, 太多只會負重多左, 夠5分鐘比賽為佳, 預$4xx一排

差機要有30A為佳, icharger x 6兩部都無走雞, 加一部火牛, 預$24xx左右
仲有車殼都好重要, baybee, xtreme twister, zooracing dog, 三選一la, 仲有其他既, 不過無謂太亂la
其他仲有好多工具要買, 例如set 車架, set 車板, downstop 尺, 批, 軚水等等, 呢d自己去搵la

有人話去鬥車唔洗成萬蚊, 你睇下講呢d野既人自己洗左幾多錢先
個控都$3.8k, 車架$4k, 加埋ESC, servo, 摩打, 都已經過左一萬啦, 都未計買少少option, 買電, 差機, 火牛, body, 噴油, 各樣set 車工具等等.......我真係唔明點樣少過一萬可以去鬥車
可能佢意思係本身都有齊晒所有野, 淨係計個車架就唔洗一萬蚊la

有人話3 racing 車好又鬥得, 見樓主買左20M,我都無謂再多講，車場既人自然會答你
鬥車唔洗有個30A charger!! ok 咁你淨係鬥modify, 唔鬥stock, 咁你岩, 咁係咪應該用4.5T呢?

我覺得一開始用慢摩打, 先至真係渣壞手, 一開始練個4.5, 之後再去鬥13.5, 根本係更易上手
何來一開始用4.5 就覺得人地會撞爛架車??? 除非佢配左個垃圾控啦 , 用flysky GT3果d, 就真係會一黎就撞
如果真係要撞, 一開始用17.5T都會撞爛

又有人話一開始應該用中價/入門控, 我係見樓主問人地落場鬥車果d用咩, 咪答佢m17, 7px呢d, 鬥車係用呢d都無走雞啦
我又要再強調, 貴控同平控, 真係好大分別, 同個人技術無關, 亦唔係高手先渣得出分別, 而係一拎上手就試得出個分別果種
貴控個線性控制同段數夠多, 真係好幫助到你更容易控制架車, 比少少油架車就慢住去, 慢慢再比多d油, 架車跟住慢慢加速, 咁樣就算拎部4.5 去細場玩, 都會得心應手, 如果係中階控, 比細油同大油之間, 會少左好多段, 變左你以為係自己技術唔好, 控制唔到架車, 其實係支控害左你, 一支好既遙控器甚至比架車更重要 , 呢樣係一般新手最唔明既地方, 覺得買支MT44 都成二千幾算唔錯la, 唔想投資太多係遙控上, 買架靚車緊要d
呢個係一般人諗法,


想要係車場同人追到下, 最重要貼士就係, 首先買支頂級控, 先可以助你係車場玩車得心應手

再回落去果d 唔知鐘唔鐘意玩, 新手渣唔出分別, 叫新手買頂級控玩佢果d, 我真係唔想再覆, 我只係會回應有追求既玩家, 但求娛樂一下遊車河既, 算了, 你鐘意買乜就買乜, 唔好浪費我時間

chairmannone 發表於 2020-7-8 12:39
所有野都叫人買最貴, 呢啲唔係叫建議
有建設性既建議係, 喺錢有限既情況, priority 應該用喺邊

呢個係鬥車建議, 靚控, 車架, 靚電子野係最基本要求 玩遊街車是但買就算啦,
如果萬拎蚊都叫做錢有限, 咁真係唔好再提鬥車

AMAT 發表於 2020-7-8 17:34
其實都幾好笑，用貴控就算如先可以鬥到車。

咁FAIHO用支千幾蚊嘅NB4佢係咪應該有問題呢?

其實都幾好笑，你覺得樓主就係方景, Vincent, Faiho? 你成日搵d勁人出黎, 話人地點點點, 人地渣咩車用咩野點勁關你咩事呢?
其實我都可以喎, 你比支NB4, 加部TT02, 比我, 我都可以做到好快, 咁又點, 唔代表個個都得

用貴控就算如先可以鬥到車。< 咁梗係啦, 你睇下世界賽, 有無人用NB4? 個個都m17, m12s, 或者sanwa 棍控, 沒有其他, 沒有NB4, 從來都沒有, 咁你話本地賽事有人用係佢既事la

咁FAIHO用支千幾蚊嘅NB4佢係咪應該有問題呢? <當然無問題, 人地有左技術同經驗梗係用乜都得啦, 但人地係咪FAIHO 先?

如果你話用支靚控，個操作快啲，OK，係貴啲控傳送同反應都係快啲。< 貴控我幾時話關個傳送事, 係操控個線性呀, 好懷疑你有無試過貴控同平控個分別, 個傳送快慢就真係唔係個個分得出la
但隻手唔快，用支貴控會即時識飛?呢吓叫做搞笑囉。< 就係隻手唔快, 先要用靚控, 隻手快, 返而用乜都得, 所以你真係要再從新了解一下貴控同平控有咩分別


大把人呀，都係用緊二手嘢嚟玩車，但都攞到好好成績。< 我都有用二手車, 咁你唔通叫人去買二手車? 人地返黎有咩事你幫佢執呀?

你問下方景，佢用咩電變，XR10咩?佢用緊TEAM POWERS，咪一樣贏啲所謂用勁電變嘅人九條街。< 又係人地高手用咩既時候, 人地用咩做得到, 唔代表你得囉, 人地鬥左咁耐車, 咁有經驗, 用乜都快啦
你問下VINCENT同香港模型運動總會阿傑，兩個都用緊架20M，人地一樣可以贏你攞到好成績。< 又係人地高手用咩既時候, 人地用咩做得到, 唔代表你得囉, 人地鬥左咁耐車, 咁有經驗, 用乜都快啦
VINCENT好多嘢都買二手都係咁鬥。仲有乜好講唧? < 我都好多野買二手都係咁快, 咁唔代表要叫新手去買二手野?

好心真係唔好再話高手用二手野, 用平電變, 都做到好成績, 咁唔代表係人都做到, 人地想建議你買乜野好, 唔通話你去搵部二手車啦, 又平又高質呀, 係, 呢d要到有d經驗, 知道自己想要咩既先候, 就可以, 仲要撞岩有人放, 唔通你叫人去買部二手BD10, 都唔會即刻搵到, 到人地識得去買心目中想要既二手車果陣, 佢都唔洗上黎問啦


迷信器材而唔係相信自己隻手去練隻手，呢啲叫做晒錢，唔係叫做勁。< 叫人用入們控, 先係害人, 新手更加應該用靚控, 先唔會比器材限制住手車, 高手已經有經驗, 用乜都得啦

當然，有人死迷信嘅，鋪頭咪講句多謝囉，係咪先，你要送頭覺得用完快咗幾十匹當然好O架。< 控一定要最好, 車架我都推介XQ10, 只係2千幾蚊, 但我一定唔會叫新手買20M先

遙控就無咩損耗既, 買一支最靚既, 玩3幾年絕對無問題, 之後你再試返支中價控, 就知有咩分別, 真係兩回事, 叫新手買支平/中價控, 只會害左人, 因為無經驗, 跟本唔知係自己技術問題定支控問題, 結果渣唔掂退坑都唔出奇
但相反, 一開始就用靚控, 中間唔洗再考慮升級, 專心練好手車先係正道, 否則買支中價野, 最後你點都係會買到最靚, 咁舖頭就真係多謝晒你la

我就係一開始就用頂級控, 因為我知道個個世界賽選手都用, 車場好多高手都用, 如果我買個中階控, 遲早都會再Upgrade, 到而家已經練到手車好得心應手, 之後有車友都好放心比架車我渣, 有d用MT44, MT4s, NB4乜都有, 一渣上手, 個軚好硬, 油門真係爭咁d, 我心諗, 如果我係新手, 拎住呢個控, 真係玩死自己, 唔怪得果位師兄渣極都渣唔到架車, 我就明新手更應該要頂級控

AMAT 發表於 2020-7-8 23:22
其實你講出咗個重點，FAIHO人地有技術就用乜控都得。
即係已經講出係要個人技術好，唔係支控好。

算了, 我真係唔想再回覆

想問下大家落場鬥車係咪都係幾千蚊底盤果D? < 呢個係樓主第一個問題, 我係就住佢呢個問題黎答
我只係將d人鬥車會用乜講返比佢聽
鬥Modify, 咁梗係4.5T加支m17, 再加個中上車架, 咁一定過萬蚊, 唔明點解比人曲解做叫新手玩4.5T, 又話叫人買晒頂級野, 仲家破人亡咁, 真係低鬼能, 好心理解下題目先, 唔好斷章取義

如果樓主當初係話買套車遊下街, 咁梗係另一個答案啦, 果幾個真係睇d唔睇d