請教Touring 車款的選擇

各位師兄師姐們好, 小弟剛再入坑玩返RC, 對上小弟玩嗰時已經有20年前...之前重係玩緊田宮TA03-R嘅年代, 同而家真係好唔同, 要重新學過哂啲嘢...

想請教各位師兄, 如果想玩返Touring RC 1/10的話, 想請問應該點選擇? 應該一部到位買架好啲嘅車定係買架入們改慢慢改會較為合適? 其實真係唔太清楚每個車廠嘅優勢喺邊, 所以真係無從入手....有諗過買架XQ2S 慢慢改, 但又懶又怕麻煩, 都有諗過買架BD11 / Mugen MTC2 / Serpent 20 '21 (我幾鐘意呢架) / 420X 一步到位, 但又怕發揮唔到架車會好浪費, 不過就會節省好多慢慢改嘅時間...兩難中, 想請各位師兄師姐指教一下. 感謝...

rk2 發表於 2022-5-20 11:31
師兄，你的預算是多少錢呢？唔同 BUDGET有唔同的玩法。一步到位，玩頂級第一線競賽級車架，不管車主的技術 ...

謝謝師兄指教, 但個人覺得TT02的話好似較為Rally車/甩尾車多過Touring 咁 (雖然佢都係叫房車), 我都鐘意玩田宮的, 因為啲數準, 啲位靚, 車外型又靚仔, 又多殼揀, 之前都係因為架Avante Comical所以先開始玩返RC, 嗰架玩到停唔到手....不過如果真係玩比賽級嘅Touring的話 (雖然我唔會玩比賽), 可能就要玩到TRF級的車, 所以420X都係我選擇之一, Budget 的話其實5000內都OK的, 反正都係陳茂波冠明贊助, 無乜所謂. TT02的話我應該遲啲都會買的, 不過應該會買TT02D, 因為覺得啲師兄玩甩尾好正. 不過呢一刻想玩咗較有速度感的touring 先. 多謝哂師兄嘅意見.

nteast 發表於 2022-5-20 10:16
一步到位, 唔好浪費時間..

其實小弟都係咁諗, 但真係唔熟各個品牌嘅優缺, 所以有選擇困難症...田宮的話其實各方面都好平均的, 外觀又靚仔; Sepent 車我鐘意佢嘅臂位設計; 其他車廠好似Yokomo, Mugen Seiki 等其實唔太知道佢地嘅優點缺點, 所以唔識品評亦唔識揀...

masterlai 發表於 2022-5-20 16:55
只是個人看法  
我以前也曾經是田宮迷，其實嚴格來說至今仍是，但已經不是TRF迷
TRF確實曾經輝煌過，但在退 ...

明白, 多謝師兄詳細解說, 其實一直都覺得田宮出嘅車係好車, 但進步程度的確係"慢半拍" ... 同埋我係諗住玩13.5T - 10.5T左右的, 如果真係咁的話其實可能田宮真係放喺較次要嘅位置先, 另外想問問師兄點睇BD 11 / Sepent X20 '21呢? 麻煩哂師兄.

tophand88999 發表於 2022-5-20 18:22
我最怕ABS膠件，放得耐(十年以上會脆裂），
最好的入門車，應該係 3Racing 和 Xpress，砌過就知好野嚟，

Xray 個人觀感麻麻, 可能因為佢抄咗Eclipse 3出咗架平盤車, 所以覺得佢無乜誠意掛....

AMAT 發表於 2022-5-20 23:19
買車架，首先要問問自己，諗住去車場玩定橋底玩。如果去灣仔或油麻地橋底玩，買架平嘅就夠。

但如果俾我揀 ...

感謝師兄意見, 剛睇過3 Racing 架 Cero Ultra 嘅介紹都覺得唔錯, 都可以等埋佢見街後再作決定, 謝謝師兄提醒~

masterlai 發表於 2022-5-23 10:31
YOKOMO的車，只玩過BD8，BD9....過去經驗是只要組裝不出什麼岔子，組好就好跑，
和T4相比，車性也比較中性 ...

收到, 感謝師兄回覆, 感覺上Yokomo / Xray 比較穩定, 適合新手而又想一步到位; 而Serpent 的話就較適合高階玩家, 要有一定的經驗與及完備的工具會較易組裝成功...這樣的話再等等3 Racing 的Cero Ultra, 這架好似都唔錯. 不過未知正式見街的時間...

Urchin 發表於 2022-5-23 17:49
lc racing ptg-2r

呢架已經有啦, 啱啱砌咗, 謝謝師兄~

AMAT 發表於 2022-5-24 11:27
他們說廠給他們的沒問題，不知為何發售版本全部都有問題。

有一些車，是真的給高手去組裝的。

這個有點認同, 因為一直以來都係玩開田宮車的, 以前一直都是, 近期開始玩返都係由田宮開始, 佢嘅說明書真係好清楚, 真係連小朋友都砌得到的 ... 而轉戰其他品牌後, 開始有一點點的挑戰, 就是剛剛砌好的LC Racing PTG-2R, 其實都係一架好車, 底盤用合金同玻璃纖維, 堅固耐用, 前後齒差, 金屬中軸, 全車啤令, 重有好多碳纖件, 重要送埋車殼, 以咁嘅車價真心超值的, 但到砌嗰時則發現書明書啲爆炸圖有啲難睇, 啲圖例有啲標錯, 有時會miss 咗標明邊隻長度嘅螺絲, 啲數有啲會差少少, 要執一執, 有啲件螺絲會扭到撻牙 ... 雖然唔係第一次砌RC, 但相比起田宮的話, 會有一點點的挑戰的...不過只要細心啲睇同試其實都解決到的....佢車架我真心覺得OK的, 只係有啲地方要稍作加工會好啲咁. 砌呢架車真係學到嘢